• USD 389.52
  • EUR 429.21
  • RUB 6.07
  • CNY 54.94
18 Qazan, 13:17:02
Sarapshylar joldaýdyń júzege asyrylýyn talqylady

17 Qyrkúıek, 2019 Aımaqtar

Asyl azamattarǵa laıyqty qurmet

Jambyl oblystyq qazaq drama teatryna Asqar Toqpanovtyń, al «Shahrıstan»tarıhı- mádenı ortalyǵynda boı kóteretin «Rýhanııat» ortalyǵyna Sherhan Murtazanyń aty berilmek. Sondaı-aq Kenen Ázirbaev atyndaǵy oblystyq fılarmonııa aldyna án men jyr dúldúliniń eńseli eskertkishi ornalasady, dep jazady Qamshy.kz aqparat agenttigi. 

Bul aqjoltaı habardy oblys ákimi Asqar Myrzahmetovpen bolǵan kezdesýden soń zııaly qaýym ókilderi qýanyshpen jetkizdi. О́ńir basshysy zııaly qaýym ókilderimen ráýishti basqosýdyń birinde oblystyń mádenı-rýhanı ómirinde iz qaldyrǵan azamattardyń esimin urpaq jadynda máńgi saqtaý maqsatynda joǵary atalǵan jumystardy júrgizý týraly týraly jaýapty vedomstvolardyń ruqsaty alynǵanyn atap ótken.

–Jambyl oblystyq qazaq drama teatryna osy óner ujymynyń aıaqqa turyp,onyń qalyptasýyna ólsheýsiz úles qosqan atpal azamat Asqar Toqpanovtyń atyn berýdi mádenıet salasy ardagerleriniń kópten kókeıinde júrgen edi. Dál osy usynysymyzdy birneshe ret joǵary jaqqa ótinish hatpen de jetkizdik. Rasynda Asqar Toqpanovtyń aty oblystyq qazaq drama teatryna berýge suranyp-aq tur. Ol kisi osy óner ujymyndaǵy tuńǵysh kásibı rejısserdiń biri bolyp qyzmet atqardy. Onyń rejısserlik etýimen teatr ujymy «Abaı» qoıylymyn sahnalaǵan. Sonda maǵan Áıgerimniń rólin oınaý baqyty buıyryp edi, – deıdi memlekettik syılyqtyń laýreaty, Nursıfat Salyqova.

Shynynda qazaq teatr ónerinde óshpes is qaldyrǵan Asqar Toqpanov Máskeýde bilim alǵan tuńǵysh kásibı teatr rejısserleriniń biri. Ol orys jáne shetel dramatýrgteriniń pesalaryn qazaq tiline aýdarǵan. Máselen, «Aspazshy», «Shyndyq qatty, baq tátti», «Ivanov», «Shaǵala», «Nora», «Serýendegi sergeldeń» syndy týyndylardy asqan sheberlikpen aýdarǵan. О́z shyǵarmashylyǵynda pesa janryna aıryqsha mán berip «Tazsha bala», «Tasyǵan tógiler» atty pesalardy ómirge ákelgen. Al teatr sahnasynda Lenın, Abaı, Ybyraı Altynsarın beınelerin somdaǵan talantty ártis retinde teatrsúıer qaýymnyń esinde qaldy.

«Rýhanııat» ortalyǵyna aty beriletin Sherhan Murtazany kópshilikke tanystyryp jatýdyń ózi artyq. Qazaq jýrnalıstıkasynyń, ádebıeti qaıratkeri Jambyl oblysynda týǵan. Shyǵarmashylyǵynda oblystyń san túrli salasyn qozǵap jazǵan. Sol sekildi «Qyzyl jebe» ǵumyrnamalyq romany arqyly Alash ardaqtysy Turar Rysqulovtyń obrazyn kitapsúıer qaýymǵa tanytty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir