Tarazǵa kelgen týrıster "Taraz Tour"-dy qoldanady

Jambyl oblysynda «Rýhanı jańǵyrý» jáne «Sıfrlyq Qazaqstan» memlekettik baǵdarlamalary nátıjesinde birqatar týrıstik nysandardy, qyzmet kórsetý oryndaryn, kórikti oryndardy qamtıtyn «Taraz Tour» mobıldi qosymshasy iske qosyldy. Atalǵan qosymsha arqyly týrıster aımaqtaǵy negizgi týrıstik oryndar jaıynda tolyq maǵulmat ala alady, dep jazady Qamshy.kz aqparat agenttigi. 

«Taraz Tour» qosymshasyn paıdalanýshyǵa bes tildegi aýdıo jáne mátindik aqparattar qol jetimdi bolmaq. Qazirgi tańda oblystaǵy 33 iri týrıstik nysanǵa QR kodtary ornatylǵan. Dál osy mobıldi qosymshany jasap shyqqan «MMM Solutions» jeke kásipkerliginiń joba menedjeri Qymbat Qojambetova týrısterge ózderi bet túzegen oryndardy kedergisiz ońaı tabý, ońtaıly qonaq úıler men tamaqtaný oryndarynǵa barýda kómek kórsetýmen birge birneshe qyzmetter atqaratynyn alǵa tartady.

– Mobıldi qosymshany týrıstermen birge týrıstik fırmalar, qonaq-úıler men meıramhana jáne de emdeý saýyqtyrý ortalyqtary óz kádesine jarata alady. Ásirese qyzmet kórsetýshi mekemeler bul qosymshany jarnama jasaý quraly retinde paıdalaný múmkindigine ıe. Tek ákimshilikke ózderiniń mekemesi jaıynda tolyqqandy aqparatardy usyný jetip jatyr.

«Taraz Tour» - bul aımaqtyń týrıstik obekt týraly jyldam ári shynaıy shynay aqparat berip, qosymsha birneshe qyzmet túrlerin usynýǵaq abiletti mobıldi qosymsha. Ony telefonyńyzdyń markasyna qaraı ǵalamtordaǵy «play market» nemese appstore qoldanbalar dúkeninen júktep alýǵa bolady.

Osydan soń týrıster bul qosymshanyń tek jolbaǵdar retinde ǵana emes týrıstik nysandardaǵy QR-kodty oqıtyn baǵdarlama retinde de paıdalana alady, – deıdi joba jetekshisi.

Jalpy mobıldi baǵdarlama AR, VR 360, «Turǵan áserdi» beretin jáne vırtýaldy shynaıylylyqty jasaıtyn 360 gradýsty vıdeorolıkter, Offline rejım –ınternet jelisi joq jerlerde de qosymshamen qoldanýǵa múmkindik beretin tártip, týrıstik gıd syndy komponentterden turady. Oblys ákimdiginiń týrızm basqaramasynyń basshysy Qarlyǵash Aralbekova óńirdegi qyzmet keórsetý oryndary basshylaryn osynaý biregeı qosymshanyń múmkindigin týrızmdi damytýdyń alǵysharty retinde paıdalanýǵa shaqyrady.