• USD 378.65
  • EUR 430.07
  • RUB 6
  • CNY 55.1
19 Qyrkúıek, 03:02:15
Shashyrap júrgen qazaqty búgin kóshirip almasaq, erteń joǵaltyp alýymyz múmkin

09 Qyrkúıek, 2019 Barlyq aımaqtar

Álemniń eń jas grossmeısteri Almatyda

Qala kúni qarsańynda 13 jasar Javohır Sındarov ońtústik astanada boldy

Memlekettik «Rýhanı jańǵyrý» baǵdarlamasy aıasynda, «Shatranj» shahmat klýbynyń shaqyrýymen kelgen álemniń eń jas grossmeısteriniń Almaty saparyna maqsaty – shahmat oıynyn nasıhattaý, tájirıbe almasý. 13 jastaǵy Javohır Sındarovtyń janynda jattyqtyrýshysy Bobýr Sattarov bar.

Álemniń eń jas grossmeısteri Almatyda demalys kúnderi bir mezgildik shahmat oıynyn ótkizdi. Birinshi oıyn birden 30 shahmat taqtasynda ótse, ekinshi oıyn «sheberlik sabaǵy» túrinde Almatynyń jas, myqty shahmatshylarymen ótti. chess

Javohır Sındarov – shahmattan búgingi tańdaǵy О́zbekstan Respýblıkasynyń chempıonaty, eń jas halyqaralyq grossmeıster (elo – 2507), jasóspirimder arasyndaǵy birqatar tıtýldardyń ıegeri 2018 jyly birikken Ortalyq Azııa komandasy shahmattan Búkilálemdik jasóspirimder Olımpıadasynyń jeńimpazy bolǵan edi. Osy shahmat olımpıadasynda qurama sapynda 12 jastaǵy Javohır Sındarov bolǵan. Búgingi tańda Javohır Sındarov Azııadaǵy eń jas halyqaralyq grossmeıster. chess

Almatyda jas grossmeıster birneshe shahmat partııasynan soń jýrnalıster saýaldaryna jaýap berdi.

– Meniń Almatyǵa kelýimdi tájirıbe almasý dese bolady. Bul meniń Qazaqstannyń ońtústik astanasyna ekinshi ret kelýim, osydan tórt jyl buryn Almatyǵa birinshi ret kelgen bolatynmyn. Men 13 jasymda erler arasyndaǵy eń jas álem chempıony atandym. Bolashaqta eresekter arasynda álem chempıony atanyp, álemniń eń myqty 10 shahmatshysy qatarynan kóringim keledi. chess

Osy Qazaqstan saparymda jas shahmatshylarmen semınar, sheberlik sabaqtaryn ótkizip, balalardyń ata-analarymen kezdesip, jetistikke jetý negizderi boıynsha keńes berdim, – dedi Javohır.

Álemniń eń jas grossmeısteri óziniń jetistikteri jaıynda, shahmattan 4 jasynan bastap oınaǵanyn, jattyqtyrýshylaryna, ásirese atasy Komıl Sındarovqa sheksiz rıza ekenin aıtty. chess

Almatynyń shahmatshylar qaýymdastyǵy da jas grossmeıster Javohır Sındarovtyń ońtústik astanaǵa kelýine úlken rızashylyq bildirip jatty.

–  Biz álemniń eń jas grossmeısteriniń bizdiń qalaǵa kelýine qýanyshtymyz. Almatylyq shahmatshylar Javohır Sındarovpen tanysý, onymen shahmat partııalaryn oınap, keńes alý múmkinshiligine ıe boldy. Bizdiń jas ta talapty shahmatshy balalarymyz grossmeıterdiń sheberlik sabaǵynan ótip, álem chempıonymen shahmat oınady. Bul tájirıbeniń bereri mol, – deıdi halyqaralyq tóreshi Sergeı Kım. chess

Elbasy – Tuńǵysh Prezıdent Nursultan Nazarbaevtyń baǵdarlamaly maqalasynda aıtylǵandaı, búginde jeke adamdar ǵana emes, bútin ult qazirgi zamanda básekelestikke qabiletti bolyp qana maqsatqa jete alady. «Rýhanı jańǵyrý» memlekettik baǵdarlamasy aıasynda uıymdastyrylǵan osynaý kezdesýdiń de Qazaqstanda shahmat sportynyń damýyna, básekelestikke qabiletti bolyp, halyqaralyq, álemdik deńgeıde bolýyna áseri mol. chess

– Bul kezdesýdiń bizdiń shahmat mektebiniń, jalpy Almatynyń jas shahmatshylaryna bereri mol. Kóptegen shahmat týrnırleri men chempıonattarǵa qatysty bizdiń balǵyn shahmatshylar grossmeıter, álem chempıonymen kezdesip, ózderine kerek tájirıbe alyp, sheberlikterin shyńdady. Álem chempıony Javohır Sındarovtyń ótkizgen sheberlik sabaqtary Almaty shahmatynyń damýyna qosylǵan úles der edim, – deıdi «Shatranj» shahmat mektebiniń ustazy Baqyt Temirov. chess

«Rýhanı jańǵyrý» – el halqynyń rýhanı dúnıesin túgendep, rýhanııat kóshinen qalyp qoımaı, mádenıet, sport, tarıh ádebıet, t.b. salada órkenıetti elder qatarynda bolýdy maqsat tutqan memlekettik baǵdarlama Qazaqstannyń mádenı, sport ortalyǵy Almatyda «Rýhanı jańǵyrý» baǵdarlamasy jan-jaqty júzege asýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir