• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:17:13
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

09 Qyrkúıek, 2019 Barlyq aımaqtar

Qytaıda qamaýǵa alynǵan Aqjarqyn Turlybaıdyń anasy Toqaevtan kómek surady (vıdeo)

Qytaıda ustalǵan Aqjarqyn Turlybaıdyń anasy Zýhra Seıtimova Qazaqstan Prezıdenti Qasym-Jomart Toqaevtan kómek surady. Áıel sońǵy birneshe jylda qyzymen alǵash ret 3 qyrkúıekte Gýanchjoýda kezdesken dep jazady Qamshy.kz aqparat agenttigi tengrinews.kz saıtynyń deregin negizge alyp. Sot qyzy men anasyna 15 mınýt sóılesýge ruqsat bergen.

Aqjarqyn Turlybaı áli kúnge deıin esirtki tasymalyna esh qatysy joq ekenin aıtady. Ol sońǵy alty jyl ýaqytyn Qytaı túrmesinde ótkizdi. 2015 jyly maýsymda qytaılyq sot ony ómir boıyna bas bostandyǵynan aıyrǵan edi. Alaıda 2016 jyly sot úkiminiń kúshi joıylyp, isti qaıta qaraýǵa jiberdi. 

"Asa qurmetti Prezıdent myrza - Qasym-Jomart Toqaev! 2014 jyly naýryz aıynan bastap meniń qyzym Aqjarqyn Turlybaı Qytaı elinde esirtki kontrabandasymen tasymaldady degen kúdikpen ustaldy. Bes jyldan asa ýaqyttan beri meniń qyzymnyń ústinen sot júrip jatyr. Sodan beri, ómir boıyna bas bostandyǵynan aıyrylsyn degen úkim shyǵaryldy. Odan keıin onyń kúshi joıyldy. Qazir tergeý júrip jatyr.

Meniń qyzymnyń tarapynan Qytaı jaǵynan da Qazaqstan jaǵynan da advokattar tegin qyzmet kórsetip jatyr. Olarǵa meniń alǵysym sheksiz. 2015 jyly SARIKS uıymy meniń qyzymdy, Aqjarqyn Turlybaıdy nıgerııalyq esirtki mafııalarynyń qurbany bolǵany týraly málimdeme jasady. Alaıda Qazaqstan ishki ister mınıstrligi qajetti málimdeme bermeı otyr. Soǵan qaraı, bizge jumys istemeı jatyr.

QR Konstıtýsııasynyń 11-baby 2-bóligi boıynsha, elimizdiń azamattary shetelde bolǵanda olardyń quqyǵy qorǵalady delingen. Bul sizge tanys jaǵdaı dep bilem. Sizden ótinip surarymyz, osy meniń qyzymnyń, ol jaqtan shyǵýyna kómek berseńiz. Sizden jalynyp suranamyz. Men, meniń otbasym, ákesi, baýyrlary sizden suraıtynymyz - meniń qyzyma kómektesińizshi. Qyzymnyń jazyǵy joq ekeni keshegi barǵan sotynda dálelder keltirildi. Biraq olar bizden suraǵan qaǵazdy bere almaǵandyqtan, ashyq sottyń sheshimi shyǵarylǵan joq. Soǵan deıin, siz bizge kómektesseńiz eken. Raqmet sizge!", -deıdi Aqjarqyn Turlybaıdyń anasy. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir