• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:39:43
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

04 Qyrkúıek, 2019 Aımaqtar

Jańa mektep paıdalanýǵa berildi

1 qyrkúıek – Bilim kúnine oraı Jambyl oblysy Baızaq aýdanynyń Aqsholaq aýylynda 120 oryndyq jańa mektep paıdalanýǵa berildi. Merekege saı bezendirilgen jańa mektepke shat-shadyman kúıge bólengen ata-analar balalaryn jetektep aǵylyp jatty. Alystan men mundalap turǵan bilim berý mekemesi saltanatty túrde oqýshylaryn qarsy aldy.

Bilim berý isi qaı ýaqytta da, qaı ǵasyrda da qoǵam damýy men turaqtylyǵynyń negizgi ólshemi bolyp tabylady. Búgingi shákirt – erteńgi maman, elimizdiń gúldenip – ósýine, órkendeýine úles qosatyn basty tulǵa. Elbasynyń el ıgiligin kózdegen salıqaly saıasatynyń arqasynda bilim berý jáne áleýmettik salalarǵa jasap otyrǵan qamqorlyǵy ushan - teńiz. Sonyń bir kórinisi jańadan ashylyp otyrǵan bilim ordasy. Osy kúnge deıin Aqsholaq aýylynda 70 oryndyq orta mektep úsh aýysymmen jumys istep kelgen edi. Bul mekteptiń ashylýyn aqsholaqtyqtar asyǵa kútti desek artyq aıtpaǵanymyz. Bilim kúni merekesi Aqsholaq aýylynyń balalary úshin erekshe kún bolǵany anyq.

“О́ner” mektebi ónerpazdarynyń ásem bıimen ashylǵan saltanatty jıynda Qazaqstan Respýblıkasynyń memlekettik Gımni oryndaldy. “О́ner” mektebiniń oqýshysy Mýhrab Bolatbek “Qazaq eli” ánin áýelete shyrqaǵan soń, oblys ákiminiń orynbasary Sulýshash Qurmanbekova sóz alyp, barlyq ata-analar men muǵalimderdi, oqýshylardy aıtýly oqıǵamen quttyqtady. Sulýshash Sátbekqyzy óz sózinde sońǵy bes jylda osy bilim mekemesi úsh aýysymda oqyp kelgenin, óńirde úsh jyldan beri bilim berý salasyna bólinip jatqan qarjynyń kólemi úsh esege artyp, 130 mlrd. teńgeni quraǵanyn, búgingi kúni oblys boıynsha bes mektep jańadan paıdalanýǵa berilip otyrǵanyn jetkizdi. Sondaı-aq, oblys ákiminiń arnaıy syılyǵyn tabys etti.

Al, aýyl aqsaqaly, eńbek ardageri Qalman Baqtybaev barsha turǵyndardy quttyqtap: “Jańa mektebimiz qutty bolsyn. Oblys, aýdan basshylyǵyna rahmet. Tarydaı bolyp kirip, taýdaı bolyp shyǵyp, bıikterden kórinińder shyraqtarym!”, - dep atalyq aq batasyn berdi. О́z kezeginde ata - analar da qystyń qyspaǵyna, jazdyń aptap ystyǵyna qaramastan mektep qurylysyn mezgilinde aıaqtap, jas urpaqqa usynyp otyrǵan Erkin Qulmambetov jetekshilik etetin «Astana-ÝP» qurylys kompanııasyna rızashylyq sezimderin bildirip jatty.

Jańa nysannyń lentasyn oblys ákiminiń orynbasary Sulýshash Qurmanbekova men eńbek ardageri Qalman Baqtybaev qıdy. Alǵashqy qońyraý soǵylyp, 182 oqýshy jańa mekteptiń tabaldyryǵyn attasa, olardyń jıyrma tórti 1-synypqa qabyldandy.

Sapaly bilim alýǵa barlyq jaǵdaılar jasalyp, zamanaýı qural-jabdyqtarmen qamtamasyz etilgen mektep ishin kelgen qonaqtar aralap shyqty. Kireberiste bastaýysh synyp oqýshylarynyń taqpaqtaryn tyńdap, “Beıneleý” jáne “Robototehnıka” úıirmeleriniń jumystarymen tanysty. Sondaı-aq, “Bastaýysh synyp”, “Informatıka”, “Fızıka” kabınetteri, kitaphana, májilis zaly, sport zaly men ashanany aralady. Ǵımaratta jańashyl bilim alýǵa qolaıly zamanaýı kabınetter men zerthanalar, mýltımedıalyq kabınetter bar. Saltanatty sharadan soń barlyq synyptarda «Sanaly urpaq - jarqyn bolashaq» taqyrybynda ashyq tárbıe saǵattary ótkizilip jatty.

Jańa mekteptiń ashylý saltanatyna aýdan ákimi Nurjan Nurjigitov, aýdandyq máslıhat hatshysy Nurjan Tlepov, aýdandyq partııa fılıaly tóraǵasynyń birinshi orynbasary Sholpan Baıtaqova, aýdan ákimdigi bilim bóliminiń basshysy Nurjan Nuralıev qatysty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir