• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:19:42
Qazaqstanda másele sheshilý úshin aldymen adam ólý kerek

04 Qyrkúıek, 2019 Aımaqtar

"N.Nazarbaev: dáýir, tulǵa, qoǵam" kórmesi Shý aýdanynda

Búgin Jambyl oblysy Shý qalasyndaǵy Sáken Seıfýllın atyndaǵy orta mektebinde «N.Nazarbaev: dáýir,tulǵa, qoǵam» atty kóshpeli kórmesi jobasy aıasynda aıtýly shara uıymdastyryldy. Atalǵan kórme aıasynda Qazaqstan Respýbıkasynyń Tuńǵysh Prezıdenti-Elbasy kitaphanasy «Tuńǵysh» ekskýrsııalyq konsepsııasynyń negiziginde kelýshiler «Tarıhı tańdaý.Bastamasy» «Tarıhı tańdaý. Umtylys» «Qazaqstannyń sporttyq dańqy» taqyryptyq ekskýrsııalaryn tamashalady.

Shara aldynda Elbasy kitaphanasynyń dırektory Ámirhan Rahymjanov, orynbasary Kúlaısha Aqtaeva, Jambyl oblysy ákiminiń orynbasary Sulýshash Qurmanbekova, aýdan ákimi Jarylqasyn Aıtaqov jınalǵandar aldynda sóz sóılep, syı sııapattar almasty. Atap aıtqanda Ámirhan Rahymjanov sharanyń mańyzy men mazmunyna toqtalyp, joba avtory saıasattanýshy ǵalym, kórnekti qaıratker, Elbasy Nursultan Nazarbaevtyń qasynda 30 jyl jumys jasap kele jatqan Mahmud Qasymbekovtyń duǵaı sálemin jetikizip, aýdan ákimi Jarylqasyn Aıtaqovqa jáne mektep dırektory Jazıra Shalbaevaǵa Alǵys hat tapsyryp, uıymdastyrýǵa at salysqandary úshin alǵysyn jetkizip, Elbasy týraly qundy eńbekterdi syıǵa tartty. Sondaı-aq aýdan basshysy Jarylqasyn Aıtaqov ta óńirge kelgen meımandarǵa rızashylyǵyn bildirip, joba jumysynan sáttilik tilep Elbasy kitaphanasyna estelik syılyq tabystady.

Sodan keıin kelýshiler Elbasy ómirinen syr shertetin, habar beretin derektermen tanysyp,jádigerlerdi jaqynan kórip, tájirbıeli nusqaýshylardyń baıandamasyn tyńdady. Aýdan turǵyndaryna sırek kezdesetin beınematerıaldyń, fotosýretter men arhıvtik qujattar, jádigerlerdiń biregeı kesheni usynylyp, kelýshilerge erekshe áser syılady.Al, Ámirhan Muratbekuly ár aýdıtorııany aralap, kelýshilermen suhbattasty. Jobanyń maqsaty men mindetin túsindirdi.

Qordaı aýdanynyń Áljan ana aýylynan bastaý alǵan kóshpeli kórme jobasy Shý aýdanyna aıaldaǵannan keıin Taraz qalasynda shoqtyǵy bıik sharalarmen jalǵasatyn bolady.

Kórme Qazaqstan Respýblıkasynyń Tuńǵysh Prezıdenti – Elbasy Kitaphanasynyń atalmysh kóshpeli kórme jobasynyń basty oqıǵasy bolyp tabylady. Joba aıasynda halyqaralyq ǵylymı-tájirıbelik konferensııa, ǵylymı-tájirıbelik semınar, dóńgelek ústel, semınar-trenıngter, «ashyq keńistik» formatyndaǵy ınteraktıvti suhbat, kórme boıynsha sholý jáne taqyryptyq ekskýrsııalar, sonymen qatar Atyraý oblysy boıynsha kóshpeli ekskýrsııalar uıymdastyrylady. Elbasy kitaphanasynyń tájirıbesinde «Jádigerler sóıleıdi» toptamasynan kóshpeli dárister, mýzeı sabaqtary, kóshpeli ekskýrsııalar tárizdi mádenı-aǵartýshylyq qyzmetiniń erekshe túrleri belsendi qoldanylyp keledi. Olar jádigerler mazmunyn baıandap qana qoımaı, sondaı-aq tarıhı artefaktilermen tanysýǵa múmkindik beredi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir