• USD 378.65
  • EUR 430.07
  • RUB 6
  • CNY 55.1
20 Qyrkúıek, 08:10:01
Latyn álipbıine kóshý máseleleri semınar-keńeste sóz boldy

02 Qyrkúıek, 2019 Aımaqtar

Jańatastyqtar qonys toıyn toılaıtyn kúni alys emes

Elbasynyń tikeleı bastamasymen monoqalalardy damytý baǵdarlamasy aıasynda Jańatas qalasynda da kóptegen tirlikter atqarylyp, qalanyń áleýmettik-ekonomıkalyq ahýaly túzeldi. El arasynda «Jańa Parıj» atanyp ketken Sarysý aýdanynyń ortalyǵynda qıraǵan úıler tazalanyp, jaramdysy jańǵyrtýdan ótip, turǵyndar ıgiligine berilýde. Bos turǵan turǵyn úılerdiń jóndeýden ótip, turǵyndar ıeligine tapsyrylýy tirshilik dúbirin tipti jandandyra tústi dep jazady Qamshy.kz aqparat agenttigi. 

Joldardy jóndeý, sý qubyrlaryn tartý, gaz qubyryn júrgizý, aýyldardy kóriktendirý, abattandyrý, bıznesti damytý baǵytynda naqty mindetter júzege asýda. Aýdannyń mádenı-rýhanı salasy jyldan-jylǵa jaqsarýda. Sońǵy jyldardyń ózinde qalanyń bilim, mádenıet oshaqtary, kitaphanalar zamanaýı úlgige ótip, jańa tehnologııamen jumys isteýge kóshti.

Búginde jańarǵan shaharda páter kezeginde turǵandar sany jeterlik. Kezekke turǵandar jyl saıyn, qaıta jańǵyrtýdan ótken úılerden páterge ıe bolýda. Jańatastyqtarǵa qýanyshty kún ıaǵnı jańa qonys toıyn toılaıtyn kún alys emes. Osyndaı qaıta jańǵyrtýdan ótip jatqan №2 shaǵyn aýdandaǵy 70 páterli №29-shy úıdegi júrgizilip jatqan qurlys jumystarynyń barysymen oblys ákiminiń birinshi orynbasary B.Orynbekov tanysyp, qurylys jumystarynyń sapasyna basa nazar aýdardy.

Qurlys jumystaryn júrgizip jatqan merdigermen kezdesken Bekbolat Serikbekuly páterlerge arnaıy kirip kórip, turǵyndardyń qaýipsizdigi men qaıta jańǵyrtylyp jatqan kópqabatty úıdiń sapasyna jaýapkershilikpen qaraýdy myqtap tapsyrdy.

Oblys ákiminiń kelesi sapary Sarysý aýdany ákimdiginiń halyqty jumyspen qamtý ortalyǵy boldy. Onda ortalyq dırektory Temirlan Ábdireev jáne ortalyq qyzmetkerleri atqarylyp jatqan jumystarmen tanystyrdy. Búgingi tańda qolǵa alynyp jatqan ataýly áleýmettik kómektiń berilýi men aýdandaǵy jumyspen qamtý máselesimen túbegeıli tanysyp shyqqan B.Orynbekov ortalyqta kórsetetin memlekettik qyzmetterdi jandandyryp,»Eńbek ntıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasynyń baǵyttary boıynsha naqty tapsyrmalar berdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir