• USD 389.52
  • EUR 429.21
  • RUB 6.07
  • CNY 54.94
17 Qazan, 02:08:44
Prezıdenttik jastar kadr rezervine irikteýdiń kelesi kezeńine 904 qatysýshy ótti

02 Qyrkúıek, 2019 NEWS

2 paıyzdyq ıpoteka. Kim, qashan alady?

"Úkimetke  turǵyn úı qurylysynyń biryńǵaı modelin daıyndap,  ózara alshaq baǵdarlamalar qabyldaýdan ketýdi tapsyramyn".

2020 jyldan bastap jyl saıyn 10 myń otbasy "Baqytty otbasy" baǵdarlamasy arqyly baspanaly bolady. Bul týraly Qasym-Jomart Toqaev Qazaqstan halqyna Joldaýynda aıtty, dep habarlaıdy Qamshy.kz aqparat agenttigi QazAqparatqa silteme jasap.

"Úkimetke  turǵyn úı qurylysynyń biryńǵaı modelin daıyndap,  ózara alshaq baǵdarlamalar qabyldaýdan ketýdi tapsyramyn. Mysaly, "7-20-25" baǵdarlamasy o basta áleýmettik baǵdarlama bolady dep kútilgen. Qaryz alýshynyń otbasylyq ortasha tabysy  aıyna 320  myń teńge bolýy kerek edi.  Tabysy mardymsyz adamdardyń qaltasy ol baǵdarlamaǵa qatysýdy kótermeıtin bolyp shyqty. Sondyqtan, bıyl Elbasynyń bastamasymen jeńildik mólsherlemesi 2 paıyz, alǵashqy jarnasy 10 paıyz bolatyn "Baqytty otbasy" atty jańa baǵdarlama iske qosyldy. Bul  aıtarlyqtaı tıimdi shart. Jyl sońyna deıin alty myńǵa jýyq otbasy osy baǵdarlama boıynsha baspanaly bolady. Birinshi kezekte kópbalaly otbasylar men  múgedek bala asyrýshy januıalar qamtylady. 2020 jyldan bastan jyl saıyn 10 myń osyndaı otbasy  baspanamen qamtylady", – degen Prezıdent  Úkimetke  baǵdarlamaǵa qatysýdyń aıqyn krıterıılerin daıyndaýdy júktedi.

"Qoldaý tek shynymen de muqtaj adamdarǵa kórsetilýi tıis. Úkimetke aldaǵy 3 jylda kezekte turǵan  az qamtylǵan, kópbalaly otbasylardy baspanamen qamtý máselesin sheshýdi tapsyramyn. Olardyń sany qazir 30 myńǵa jýyq. Tabysy joq azamattarǵa jeke baspana satyp alý úshin  áleýmettik arenda sharty boıynsha múmkindik berý kerek. Bul maqsatqa 2022 jylǵa qaraı 240 mlrd teńge qarastyrylǵan", – dedi Qasym-Jomart Toqaev.



Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir