Májilis depýtaty otstavkaǵa ketý týraly ótinish berdi

Májilis depýtaty Gúlnar Yqsanova otstavkaǵa kettý týraly ótinish berdi dep jazady Qamshy.kz aqparat agenttigi. Bul týraly Qazaqstan ortalyq saılaý komıssııasy (OSK) qaýly etti.

"Qazaqstan Respýblıkasy parlamenti májilisiniń depýtaty Gúlnar Mustahymqyzy Yqsanovanyń ornynan túsýi týraly ótinish berýine baılanysty ókilettigin toqtatýǵa ákeletin negiz týyndady dep belgilensin. G.M. Yqsanovanyń Parlament Májilisi depýtatynyń ókilettigin merziminen buryn toqtatý týraly ótinishi Qazaqstan Respýblıkasy parlamentiniń májilisine engizilsin", - delingen OSK qaýlysynda.

1958 jyly Túrkistan oblysynda týǵan Yqsanova 2016 jyldan bastap májilis depýtaty. Sonymen qatar ol májilistiń 2012-2016 jyldardaǵy shaqyrylymynda da depýtat bolǵan. Májiliske kelmesten buryn Yqsanova "Tań", "Habar" telearnalarynda basshylyq qyzmeter atqarǵan. 

2019 jyldyń 16 tamyzda Qazaqstan premer-mınıstriniń sol kezdegi orynbasary Gúlshara Ábdihalyqova, akter Nurlan Álimjanov, Ekibastuz qalasynyń ákimi Nurjan Áshimbetov, aqparat jáne qoǵamdyq damý vıse-mınıstri Juldyz Omarbekova májiliske depýtat bolyp bardy.

21 tamyzda Nur-Sultanda bıliktegi "Nur Otan" partııasynyń saıası keńesiniń keńeıtilgen otyrysynda Qazaqstandy 30 jyldaı bılegen Nursultan Nazarbaev eldegi "barlyq saılaý konstıtýsııada kórsetilgen merziminde ótetinin" málimdegen.

Konstıtýsııaǵa sáıkes, Qazaqstanda parlament májilisiniń saılaýy 2021 jyly ótýi tıis. Biraq eldegi saıası sarapshylar men oppozısııa ókilderi Nazarbaevtyń "saılaýlar zańda kórsetilgen merzimde ótedi" degenine senbeıtinderin ashyq aıtyp júr.

26 tamyzda Qazaqstan parlamenti májilisiniń tóraǵasy Nurlan Nyǵmatýlın "Qazaqstan parlamenti palatalarynyń birlesken otyrysy 2019 jylǵy 2 qyrkúıekte saǵat 11-ge shaqyrylsyn" degen qaýlyǵa qol qoıǵan.