• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:16:11
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

28 Tamyz, 2019 Aımaqtar

Jambyldyqtar Arystaǵy qurylys jumystaryn abyroımen aıaqtady

Arys qalasyndaǵy Jambyl oblysynyń shtabyna qarasty 3-sektorǵa 11 kóshe bekitilgen.

Búgin, 28 tamyzda  Arys qalasyndaǵy Jambyl oblysyna tıesili 3-sektordaǵy qurylys jumystarynyń aıaqtalýyna oraı saltanatty shara ótti. Oǵan jergilikti arystyqtarmen birge jumys júrgizgen birqatar qurylysshylar qatysty.


Jıyndy Túrkistan oblysy ákiminiń birinshi orynbasary Qosman Aıtmýhametov sóz sóılep, ashty. Oblystan arnaıy at basyn burǵan bir top jambyldyqtardy aımaq basshysynyń orynbasary Erkebulan Daýylbaev bastap keldi. Erkebulan Ábilhanuly óziniń alǵysózinde Jambyl oblysy shtabynyń qarqyndy jumysy, arystyqtardyń belsendiligi men yqylasy týraly aıryqsha aıtyp ótti. Sondaı-aq, qalada oryn alǵan tótenshe jaǵdaıdyń zardaptaryn joıýǵa jumyla atsalysqan kópshilikke alǵysyn bildirip, mundaı oqys oqıǵa endi elimizde oryn almaýyn tiledi. О́zge de sóz alǵan Jambyl oblystyq máslıhatynyń hatshysy Baǵlan Qarasholaqov, Arys qalasynyń ákimi Murat Bolatuly Qadyrbek jáne taǵy basqa qurmetti qonaqtar jambyldyq qurylysshylardyń tabandy tirligin, eleýli eńbegin tilge tıek etti.
Salttanatty jıyn «Arysty terbetken Áýlıeata áýenderi» atty K.Ázirbaev atyndaǵy Jambyl oblystyq fılarmonııasynyń konserttik baǵdarlamasyna ulasty. Baǵdarlama barysynda Arysqa arnaý aıtylyp, ásem ánder shyrqalyp, bı bılendi. Aıanbaı ter tókken bir top shtab jumysynyń basy-qasynda júrgen azamattar men qurylysshylar marapattaldy.


Sondaı-aq, bul kúni jarylys kezinde qıraǵan 4 úı qaıta basynan boı kóterip, saltanatty túrde paıdalanýǵa berildi. Ol úılerdiń ekeýi basynan boı kóterip, ekeýi tolyq jańǵyrtylǵan. Qurylysyn júrgizgen merdiger kompanııa atalǵan úı ıelerine óz syı-sııapattaryn jasady.


Aıta keteıik, Arys qalasyndaǵy Jambyl oblysynyń shtabyna qarasty 3-sektorǵa 11 kóshe bekitilgen. Onda 312 jeke turǵyn úılermen birge 14 áleýmettik jáne kommersııalyq nysan bary anyqtalǵan bolatyn. Zerdeleýden ótken jeke turǵyn úıdiń barlyǵynyń aqaý aktileri toltyrylyp, smetalaý jumystary jasaldy. Nátıjesinde qıraǵan 4 úıdiń ekeýi basynan boı kóterip, ekeýi tolyq jańǵyrtyldy. Qalǵan 309 úıge ártúrli jóndeý jumystary júrgizilip, qalpyna keltirildi. Bul jumystarǵa 4 merdiger kompanııa, 500-den asa qurylysshy tartyldy.Tıisti shyǵyndar respýblıkalyq bıýdjet pen arnaıy qorǵa jınaqtalǵan qarjydan qarastyryldy.


Áýlıeatalyqtar arystyq aǵaıyndarǵa budan ózge de túrli qoldaýlar kórsetkenin budan buryn da habarlaǵanbyz. Atap aıtar bolsaq, ondaǵy zardap shekken azamattarǵa kómek kórsetý boıynsha «Arys. Biz birgemiz!» respýblıkalyq aksııasy aıasynda Taraz qalasynda 4 qabyldaý pýnkti ashyldy. Nur Otan partııasynyń oblystyq jáne aýdandyq fılıaldaryndaǵy arnaıy pýnktterde jınalǵan kómek materıaldary, azyq-túlik pen birinshi qajettiliktegi zattar Arysqa jetkizildi. Barlyǵy 400 tonnadan astam gýmanıtarlyq kómek, azyq-túlik, turmysqa qajetti buıymdar jóneltilgen. Ol ǵana emes, turǵyndarǵa medısınalyq kómek kórsetý úshin 2,2 mıllıon teńgege qajetti dári-dármegimen qamtylǵan arnaıy jasaqtalǵan 4 reanımobılmen 8 feldsher Arys qalasyna jiberildi. Sondaı-aq, Arys qalasynyń 400-ge jýyq balasy Jambyl oblysyndaǵy jazǵy saýyqtyrý Taý samaly, Juryndysaı, Juldyz syndy lagerlerinde demaldy.

Ilmek sózder: Jambyl oblysy Arys

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir