Jambylda qarashaı-balqar etnosynyń kúni toılandy

Qazaqstan 140 etnos pen 19 konfessııa ókilderiniń týǵan shańyraǵyna aınaldy. Azamattyq tatýlyq pen ultaralyq kelisim – bizdiń basty qundylyǵymyz. Jýyrda Taraz qalasynyń Dostyq úıinde Jambyl oblysy Qazaqstan halqy assambleıasynyń «Arhyz» respýblıkalyq qoǵamdyq birlestigi – «Birlik» qarashaı-balqarlardyń Jambyl fılıaly» etnomádenı birlestiginiń etnos kúni ótti dep jazady Qamshy.kz aqparat agenttigi. 

Jambyl oblysy ákimi apparaty «Qoǵamdyq kelisim» kommýnaldyq memlekettik mekemesi men «Arhyz» respýblıkalyq qoǵamdyq birlestiginiń janyndaǵy oblystyq «Birlik» qarashaı-balqarlar Jambyl fılıaly» etnomádenı birlestigi uıymdastyrǵan basqosýda Jambyl oblysy ákimi apparaty «Qoǵamdyq kelisim» KMM basshysy Rano Mahsýdqyzy jıylǵan qaýymdy ataýly kúnmen quttyqtaı kele, «Birlik» qarashaı-balqarlar birlestiginiń aǵa býyn ókilderi men jastaryna óziniń jyly lebizin bildirdi.

– Qazaqstan – barlyq etnos ókilderine keń qushaǵyn jaıa bilgen qasıetti el. О́ńirlik «Birlik» qarashaı-balqarlar etnomádenı birlestigin búgingi etnos kúnderimen quttyqtaı otyryp, ótkeni men bolashaǵyna zor qurmetpen qaraıtyndyǵymyzdy bildiremiz. Qarashaı-balqarlar qaýymdastyǵyna degen yqylasymyz sheksiz. Uıymnyń talapty, ónerli jastaryna ósip-órkendeý tileımiz! – dedi R. Mahsýdqyzy.

Sondaı-aq, jıynda qarashaı-balqarlar birlestiginiń basshysy Lelıa Ahmadqyzy qanshama qaıǵy-qasiret pen qýǵyn-súrgindi basynan ótkergen qarashaılardyń janyna batqan qıyndyǵyn tereńinen túsinip, ystyq yqylasyn kórsetken qazaq halqy olarǵa óte ystyq ekenin aıtty.

– Bizdiń urpaqtarymyz qazaq topyraǵynda ósip-ónip, qazaq eli men jerine adal qyzmet etip keledi. Sany az bolǵanymen, qarashaı-balqar jurty ulttyq bolmysyn saqtap, mádenı ortalyqtary arqyly, ózindik salt-dástúr men mádenıeti barda ult retindegi erekshelikterin qasterleı biletin halyq. Búginde osy Assambleıa, taǵdyry toǵysqan etnostyq ult ókilderiniń aýyzbirshiligin bir shańyraq astynda uıytyp, birligin nyǵaıtý baǵytynda tolaıym tirlikter atqaryp keledi, – dedi ol óz sózinde.

Jıyn sońynda Jambyl oblysy QHA ıgi is-sharalaryna aıanbaı óz úlesterin qosyp, qaıyrymdylyq tanytyp júrgen «Birlik» qarashaı-balqarlar birlestiginiń Analar keńesiniń bedeldi músheleri men shyǵarmashylyq jastaryna alǵys hattar men syılyqtar tartý etildi.