Áýlıeatanyń eksporttyq áleýeti artyp keledi

Jambyl oblysynyń óndiristik áleýetin búginde tórtkúl álem tanıtyny belgili. «Qazfosfat», «Aqbaqaı», «Hantaý», «Myńaral» syndy kásiporyndarynyń shyǵarǵan ónimderi Orta Azııa memleketterine ǵana emes, teńiz asyp, AQSh, Birikken Arab Ámirlikterine de jetýde. Bul sóz joq Áýlıeatanyń eksporttyq áleýetin artyryp jatqany anyq dep jazady  Qamshy.kz aqparat agenttigi

О́ńir óndirisine Jýaly aýdany da ólsheýsiz úles qosýda.

Jýaly aýdanynda birqatar óndiris oshaqtary jumys jasap, nátıjesinde ónerkásip ónimderin shyǵaryp otyrǵan kásiporyndar 2019 jyldyń qańtar-maýsym aılarynda 4 472,2 mln. teńgeniń ónimderin óndirip, (2018 jyly 2 860,1 mln. teńge) ótken jyldyń osy kezeńimen salystyrǵanda óndirilgen ónimniń naqty kólem ındeksi 103,8 paıyzdy qurady. Oblys boıynsha 2-shi orynda.

2019 jyldyń 1 shildesine aýdan kóleminde statıstıkalyq derekterge sáıkes 4 466 kásipkerlik sýbektileri tirkelgen, onyń ishinde 3 orta, 160 shaǵyn kásiporyndar (zańdy tulǵalar), 1979 jeke kásipkerler jáne 2324 sharýa qojalyqtar. Osy sharýashylyq sýbektilerinde barlyǵy 8 908 adam jumys atqaratyn bolsa, sonyń ishinde 128 adam orta kásiporyndarda, 692 adam shaǵyn kásiporyndarda, jeke kásipkerlikte 1678 adam, sharýa qojalyqtarynda 6410 adam jumys jasaıdy. 2019 jyldyń alty aıynda aýdandaǵy kásipkerlik sýbektileri bıýdjetke 114 mln. 133,4 myń teńge salyq túsirildi. Jalpy tirkelgen kásipkerlik sýbektileriniń 4177-i, nemese 93,5 paıyzy jumys isteýde.

Aýdan boıynsha 2019 jyldyń qańtar – maýsym aılarynda 1 411,7 mln. teńgeniń (2018 jyldyń 6 aıynda 1 271,9 mln teńge) bólshek saýdasy jasalyp, 2018 jyldyń osy kezeńimen salystyrǵanda naqty kólem ındeksi 4,9 paıyzǵa artyp otyr. Oblys boıynsha 10-shy orynda ornalasty.

Al Jýaly aýdanynyń en negizgi kúshi – «Býrnoe solar» kún elektr stansııasy ekeni belgili. Balamaly elektr energııasyn qoldanýǵa búkil álem jantalasyp jatqanda, Jýaly jerinen osyndaı alyp keshen boı kóterip otyr. Mamandardyń baılamy boıynsha mundaı kún elektr stansııasy Orta Azııa elderinde joq kórinedi. Iаǵnı, elimizde balamasy joq óndiris orny Azııa qurlyǵyn da qaıran qaldyrýda. Qazirgi tańda «Býrnoe solar» kún elektr stansııasynyń eki kezeńdik jumystary aıaqtaldy. Al tolyqtaı qýatty kúshine shyqqanda balamy kún elektr kezeńiniń jańa dáýiri bastalǵaly tur.