Qordaılyqtar aýyzsýdy qudyqtan tasyp ishpeıdi

Adam ómir súrý sapasyna áser etetin birden-bir faktor – aýyz sý ekeni belgili. Al elimizde táýelsizdik jyldarynan beri «Aqbulaq» syndy turǵyndardy aýyzsýmen qamtýǵa baǵyttalǵan aýqymdy jobalar júzege asýda. Onyń raqatan Jambyl oblysyndaǵy birqatar eldi mekender búginde kórip otyrsa, taza aýyzsý bıyl qol jetkizip jatqan aýyldar da bar dep jazady Qamshy.kz aqparat agenttigi. Búginde Jambyl oblysy Qordaı aýdanyndaǵy 41 eldi mekenniń 31-i jerasty sýyn, 10-ny jer ústi sýyn paıdalanýda. Ortalyqtandyrylǵan sýmen jabdyqtaý júıelerin paıdalanatyn eldi mekender sany 28 nemese 68,3 paıyzdy quraıdy.

Aýdandyq ishki sýmen jabdyqtaý jelisiniń jalpy uzyndyǵy 529 shaqyrym.

Aýyldyq jerlerdi taza aýyz sýmen qamtamasyz etý maqsatynda ótken jyly respýblıkalyq jáne oblystyq bıýdjetten barlyǵy 781,3 mıllıon teńge qarjy bólinip, Aýqatty aýylyndaǵy sýmen jabdyqtaý júıelerin qaıta jańǵyrtý jumystary aıaqtalyp, sondaı-aq, Áljan ana aýylyndaǵy sýmen jabdyqtaý júıelerin qurylysy bastaldy. Aǵymdaǵy jyly qurylys jumystary aıaqtalady dep josparlanýda.

Sondaı-aq, Sarybulak, Qaınar, Kenen aýylyndardaǵy jáne Qordaı aýyly «Batys» turǵyn alqabyndaǵy sýmen jabdyqtaý jelisi jáne sý jınaý qurylystaryn júrgizýge oblystyq, aýdandyq bıýdjetter esebinen 36,1 mıllıon teńgege jobalyq-smetalyq qujattamalar ázirlenýde. Iske asyrý merzimi 2018-2019 jyldar.

«Aqbulaq» memlekettik baǵdarlamasy aıasynda 2019 jyly Qarasý, О́tegen batyr jáne Aral aýyldaryna sýmen jabdyqtaý júıeleriniń qurylystaryna jobalyq-smetalyq qujattamalardy ázirleýge jalpy 28,7 mıllıon teńge qarastyryldy.

Árıne tirshilik nári aýyzsý qubyrlarynyń jańartylyp, shalǵaı aýyldarǵa da jetýi qup kóretin nárse. Oǵan qosa, bir jyldary dál osy Qordaı aýdanynyń jurtshylyǵy aryqtan sý iship otyrǵandaryn aıtyp, janaıqaıyn bildirgen bolatyn. Keıinnen bul másele jiti zerdelenip, aldaǵy jyldary shalǵaı aýyldardyń ózi ortalyqtandyrylǵan aýyzsýǵa qol jetkizetindigi ýáde etilgen. Mine osy jospar búginde júzege asyp eldi mekenderge aýyzsý qubyrlary tartylýda. Bul sóz joq, jergilikti bıliktiń buqaranyń qamy úshin jasap jatqan ıgi sharalary.

Bárekeldi demekpiz qordaılyq shendiler men aýdan ákimdigine.