• USD 378.65
  • EUR 430.07
  • RUB 6
  • CNY 55.1
18 Qyrkúıek, 07:49:04
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, qamshyńa jazshy», – deıdi ákem

21 Tamyz, 2019 Aımaqtar

Jambylda "Mektepke jol" aksııasy jalǵasyp jatyr

Jaqsylyq pen qaıyrymdylyq jasaýǵa beıim turatyn, júreginiń jylýy mol azamatttardyń demeýi men qoldaýynyń arqasynda respýblıkalyq «Mektepke jol» aksııasy aıasynda Jambyl oblysynda birneshe otbasynyń balalary qýanyshqa keneldi. Atap aıtqanda, «Nur Otan» partııasy Baızaq aýdandyq fılıaly jáne aýdan ákimdigi bilim bóliminiń uıytqy bolýymen qaıyrymdylyq sharasy uıymdastyryldy dep jazady Qamshy.kz aqparat agenttigi. 

Partııanyń «Baqytty otbasy», «Baqytty balalyq shaq» jáne «Kedergisiz keleshek» jobalaryn iske asyrý maqsatynda aýdanymyzdaǵy kópbalaly jáne az qamtylǵan otbasy balalaryna «Mektepke jol» aksııasy aıasynda alǵashynda 50 balaǵa, beısenbi kúni ótken sharada 30 balaǵa aýdandyq máslıhattaǵy depýtattyq fraksııa músheleriniń demeýshiligimen sómke jáne mektepke qajetti oqý quraldary tabystaldy.

«Júrekten - júrekke» atty qaıyrymdylyq sharasynda aýdan ákiminiń orynbasary Dáýir Dáýletov, bilim bóliminiń basshysy Nurjan Nuralıev, “Nur Otan” partııasy aýdandyq fılıaly tóraǵasynyń birinshi orynbasary Sholpan Baıtaqova sóz alyp, elimiz boıynsha ótip jatqan «Mektepke jol» aksııasynyń mańyzdylyǵyna toqtaldy. Jas óskinderge qýanysh syılaýdyń ózi baqyt ekendigin, aldaǵy ýaqytta da qamqorlyq kórsetile beretindigin aıtyp, jyly lebizderin bildirdi.

Ata – analar márt azamattardyń óz balalaryna tıgizgen kómegine alǵystaryn aıtty.

Aıta keteıik, QR Bilim jáne ǵylym mınıstrligi bıyl «Mektepke jol» respýblıkalyq qaıyrymdylyq aksııasy boıynsha qosymsha sharalar qabyldap, aksııa 2008 jyldan beri jyl saıyn elimizdiń barlyq óńirlerinde ótkizilip keledi.

Bıyl aksııa bir aı erte, ıaǵnı 1 shildeden bastaldy. Kómekke muqtaj balalardy barynsha qamtý maqsatynda jyljymaly pýnktter, sondaı-aq eriktilerdi tartýmen mobıldi toptar uıymdastyryldy.

Jalpy, bıyl oblys boıynsha «Mektepke jol» qaıyrymdylyq aksııasy aıasynda kóp balaly jáne áleýmettik az qamtylǵan otbasydan shyqqan 30 myńǵa jýyq oqýshyǵa kómek kórsetiledi.

Igi dástúrge aınalǵan «Mektepke jol» qaıyrymdylyq aksııasy 30 qyrkúıekke deıin jalǵasady. Osy jyly alǵash ret "Meniń Atamekenim" portalynda "Mektepke jol" platformasy iske qosyldy. Atalǵa saıt kóp balaly jáne az qamtylǵan otbasylardan ótinishterdi jyl boıy qabyldaıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir