• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:20:19
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

20 Tamyz, 2019 Mańǵystaý oblysy

Oblystyń úsh jyldyq jospary jasaqtaldy

Aqtaýda oblystyq máslıhattyń kezekti sessııasy ótti. Jıynda Mańǵystaý oblysynyń ákimi Serikbaı Trumov óńirdiń áleýmettik-ekonomıkalyq damýy jóninde baıandady.

         Ishki óńirlik ónim kólemi 1-shi toqsannyń qorytyndysymen 661 mlrd.teńgeni, al naqty kólem ındeksi 97%-ti qurap otyr. Orta shaǵyn jáne bıznes sýbektileriniń sany ótken jylmen salystyrǵanda, 8,6%-ke ósip, 53,6 myń birlikti qurady.Bıznes sýbektileri 33% ósimmen 263 mlrd. teńgeniń ónimin shyǵardy.

         «Bıznestiń jol kartasy» baǵdarlamasy ınvestısııa tartýdyń jáne kásipkerlikti qoldaýdyń tıimdi quraldarynyń biri.Jyl basynan beri atalǵan baǵdarlama aıasynda quny1,1 mlrd.teńge bolatyn 39 joba maquldandy (01.07.2018j – 860 mln.teńgege 40 joba).Sonymen qatar, kásipkerlerge qoldaý kórsetý úshin2 mlrd.teńgeden astam shaǵyn nesıe bólindi, byltyrǵy jylmen salystyrǵanda 12%-ke kóp (aýylkásipkerlerine – 1 529 mln.teńge, qala kásipkerlerine – 699 mln.teńge). J

         Esepti kezeńde 1,7 mlrd.teńgege 57 kredıt berilip, 239 jańa jumys orny quryldy.2019 jyldyń 1-shi toqsan qorytyndysy boıynsha shaǵyn jáne orta bıznestiń ishki óńirlik ónimdegi úlesi ótken jyldyń 3 aıymen salystyrǵanda 15%-ten 22,5%-ke deıin artty.

         Eńbek naryǵy kórsetkishteriniń dınamıkasy turaqty.Jyl basynan beri «Nátıjeli jumyspen qamtýdy jáne jappaı kásipkerlikti damytý» baǵdarlamasyn esepke alǵanda 17 140 jumys orny qurylyp, jalpy jumyssyzdyq deńgeıi 4,7%-ke deıin tómendegen.

         - Aýylishilik joldardy damytý turaqty baqylaýda bolady.Prımorskıı aýylishilik, Aqtaý jáne Jańaózen qalaishilik joldarynyń qurylysy jyl sońynda aıaqtalady degen josparymyz bar.«Shetpe-Qyzan» (Tasmuryn-Mástek ýchaskesi), Shebir, Qyzyltóbe-2, Baıandy, Mańǵystaý-4, Aqshuqyr aýylishilik joldarynyń qurylysy jalǵasady.Sonymen qatar, «Aýyl-El besigi» baǵdarlamasyn qosa alǵanda aýylishilik joldardy orta jóndeýden ótkizýge qarajat bólindi, - dep atap ótti óńir basshysy.

  Oblys ekonomıkasynyń perspektıvaly baǵyttarynyń biri – agrarlyq sektordy damytý.Esepti kezeńde 6,8 mlrd.teńgeniń aýyl sharýashylyǵy ónimi óndirilip, naqty kólem ındeksi 100,1%-dy qurady.О́tken jyldyń sáıkes kezeńimen salystyrǵanda mal sany 10%-ke nemese 719 myńnan 791 myńǵa deıin ósti.Jylyjaı sharýashylyqtarynyń sany41 birlikten 57-ge deıin artty.О́ńirimizde aýyl sharýashylyǵyn damytýdyń tıimdi jolynyń biri, ol – mal jáne egin ónimderin qaıta óńdeý.  Bul osy salany damytýdyń basty baǵyty.Qazirgi tańda aýylsharýashylyq ónimderin qaıta óńdeıtin 21 kásiporyn jumys jasaıdy (sút ónimderi–7, et ónimderi– 8, un – 4, jún – 1, kókónis – 1). Sondaı-aq,  ınvestısııalyq quny 4 mlrd. teńgege 3 iri jobany iske asyrylýda, olar:- Túpqaraǵan aýdanynda jylyna 5000 tonna qus etin óndiretin fabrıka («Aktaý-Agro» JShS, quny – 2 mlrd.teńge, aıaqtalý merzimi – 2020 jyl 1-toqsan);- Aqtaý qalasynda jylyjaı kesheniniń qýatyn 200 tonnadan 2400 tonnaǵa deıin keńeıtý («Astyq» ShQ, quny – 1,6 mlrd.teńge, aıaqtalý merzimi – 2019-2020 jyl);- 15 myń tonna qurama jem óndiretin zaýyt («Jamalbek» ShQ, quny – 440 mln.teńge, aıaqtalý merzimi – qarasha 2019 jyl).Atalǵan jobalardyń iske asýy óz kezeginde ishki óńirlik naryqty birtindep jergilikti ónimdermen toltyrýǵa múmkindik beredi (et ónimderimen 11%-ten 32%-ke deıin, sút ónimderimen 4,7%-ten 12%-ke deıin).

Jıyn barysynda aldaǵy ýaqytqa josparlanǵan birqatar jobalar talqylandy. «Úkimettiń keńeıtilgen otyrysynda Prezıdent bergen tapsyrmalardy oryndaý jáne óńir ekonomıkasyn turaqtandyrý maqsatynda   3  jyldyq is-qımyl Jospary jasaqtalyp, bekitildi. Olar:ındýstrıaldyq jobalar, transporttyq ınfraqurylym, týrızm, ınjenerli-kommýnıkasııalyq ınfraqurylym,  áleýmettik ınfraqurylymdy damytý jáne ekologııa máselesi» - dedi, aımaq basshysy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir