Jambylda turmystyq jemqorlyqty joıý jaıy qaraldy

Qazaqstan Respýblıkasy Sybaılas jemqorlyqqa qarsy is-qımyl Agenttigimen adaldyq alańy jumysyn jandandyrý jáne óńirlerdegi qoǵamnyń boıynda parasattylyq pen sybaılas jemqorlyqqa qarsy nóldik tózimdilikti qalyptastyrý maqsatynda respýblıka boıynsha túrli formattaǵy is-sharalar ótkizilýde. Osy oraıda, Sybaılas jemqorlyqqa qarsy is-qımyl ulttyq bıýrosynyń Jambyl oblysy boıynsha departamentiniń shtab basshysy Ǵanı Týbaev pen "Jambyl - adaldyq alańy" jobasynyń jetekshisi Qaırat Mekılısov Baızaq aýdanynda kezdesýler ótkizdi. Atalmysh kezdesýlerge aýdan ákimi apparatynyń basshysy Baqtııar Aqbaev qatysyp otyrdy dep jazady Qamshy.kz aqparat agenttigi. 

Aldymen shtab basshysy men joba jetekshisi aýdandyq polısııa bóliminiń jeke quramymen, sodan soń aýdandyq emhanada medısına salasy ókilderimen júzdesti. Sonymen qatar, osyndaı taqyryptaǵy kezdesýler Kenen Ázirbaev atyndaǵy saz mektebinde bilim berý salasy mamandarymen jáne "Nur Otan" partııasy aýdandyq fılıalynyń kishi májilis zalynda áleýmettik sala qyzmetkerlerimen uıymdastyryldy. Ondaǵy kún tártibine shyǵarylǵan máselelerge qatysty óz oıymen bólisken shtab basshysy Ǵanı Salıuly óńirlerdegi qoǵamnyń boıynda parasattylyq pen sybaılas jemqorlyqqa qarsy nóldik tózimdilikti qalyptastyrý baǵytynda sóz qozǵady. Al, "Jambyl - adaldyq alańy" jobasynyń jetekshisi Qaırat Mekılısov oblys aýmaǵynda júrgizilgen jasyryn saýalnama negizinde turmystyq jemqorlyqqa baılanysty alǵashqy úshtiktiń tiziminde quqyq qorǵaý, medısına, bilim berý salalary turǵandyǵyna toqtaldy.

Osyndaı ózekti máselelerdi qaýzaǵan kezdesýler sońy aýdan ákimdiginiń májilis zalynda ótken aktıv jıynymen qorytyndylandy. Aýdan ákimdiginiń bólim basshylary, aýyl jáne aýyldyq okrýg ákimderi, aýdandyq arnaıy monıtorıngtik top músheleri, mektep dırektorlary, balabaqsha meńgerýshileri qatysqan jıyndy aýdan ákiminiń mindetin atqarýshy Nurdos Toıbaev ashyp, júrgizip otyrdy. Basqosýda Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýy aıasynda óńirlerde «Adaldyq alańy» jobalyq keńseleri qurylyp, turmystyq jemqorlyqty joıý jáne azamattarǵa qolaıly jaǵdaı jasaý boıynsha is-sharalar týraly máseleler qaraldy.