• USD 378.65
  • EUR 430.07
  • RUB 6
  • CNY 55.1
17 Qyrkúıek, 09:07:51
Qazaqstanda másele sheshilý úshin aldymen adam ólýi kerek

21 Tamyz, 2019 Aımaqtar

Eńbek etkenniń erteńi jarqyn

"Áıel bir qolymen besikti terbetse, ekinshi qolymen álemdi terbetedi" degen qazaqta qanatty sóz bar. Bópesin besik jyrymen áldılep, ulyn uıaǵa, qyzyn qııaǵa qondyryp, óz kásibin dóńgeletip júrgen áıel, analarymyz az emes. Solardyń biri – Jambyl oblysy Sarysý aýdanyna qarasty Aqtoǵaı aýylynda turatyn abzal ana Meıramkúl Qarakesekova ónegeli ómirinde eseli eńbegimen eldiń eleýlisine aınalǵan.

Meıramkúl Jambylbekqyzy tek qana altyn alqa ıegeri ǵana emes, jeke «Dıas» sharýa qojalyǵynyń tóraıymy. Mal sharýashylyǵymen balalary aınalysyp, bildeı sharýany dóńgelentip otyrǵan jaıy bar.

Demalys degendi eleı bermeıtin ardaqty ana, asyl áke ul-qyzdaryn da erinbeı eńbek etýge tárbıeledi.

Qysy jazy satyp alý degendi bilmeıtin bul otbasynan qurt, maı, irimshik, et,sút,aıran,qaımaq,súzbe t.b aǵarǵannyń barlyq túrin tabýǵa bolady. Barlyq bala-shaǵasynyń aýyzdaryn aqqa odan qala berdi kórshi-qolań, aınalasyndaǵylardy da qamtyp otyrǵan januıa tirligi tyndyrymdy.

Sharýsy myǵym, isi nyq Meıramkúl ananyń onnan astam jemis taldaryn kútip ustap otyrǵan baǵbanshylyq qasıetteri de bar. Alma, órik, sary,qara órik,jańǵaq, shıe taǵy basqa taldarmen qatar, kartop, qyzanaq, qııar,júgeri ósirip qarapaıym zattar ekonomıkasynyń damýyna birden bir úles qosyp kele jatqan jáıi taǵy bar.

Ala jazdaı túrli salat, keptirilgen alma, táttiler men qosa qajetti kókónisterden bankiler jaýyp, qystyń qamyn jazda oılaıtyn aıaýly ana qurmet bıiginen kórinip, el-jurttyń eleýli tulǵasyna aınalyp otyr.

Etken eńbek tókken terdiń arqasynda orden-medaldi óńirine qadap, qanshama maqtaý-marapatqa qol jetkizdi.

– Memleket tarapynan berilip jatqan tıimdi baǵdarlamalardyń da sharapatyn kórip otyrmyz. Jaqsy qartaıa bilýdiń ózi óner ǵoı. Sondyqtan tek qana ıgi isterdiń bastamashysy bolǵym keledi. Búginde qamqorlyq aksııalaryna atsalysyp, múmkindiginshe jaqsylyq jasaýǵa umtylamyz.Alǵashqy jyldardaǵy aýyrtpalyqtar artta qalyp, elimiz órkendeý jolyna tústi.

Qazir bilimniń zamany. Sondyqtan jastarymyz oqý oqyp, bilim alýǵa umtylǵany durys dep oılaımyz. Qashanda bolmashyǵa moıymaı, tabandylyq tanyta bilý kerek. Sonda ǵana basyńa baqyt qusy qonady,- dep, balalaryn jigerlendirip, únemi aqyl-keńesin aıtyp, baǵyt-baǵdar berip, jol siltep otyratyn ákesi Buralqynyń otbasyndaǵy orny erek.

– Perzentterimize de bilim al, oqy, eńbekten dep jıi aıtyp otyramyz. Sonyń nátıjesi balalarymyz óz salalarynyń bıigin baǵyndyryp júrgen azamattar.

Osy kúnge deıin eshkimniń ala jibin attaǵan emespiz. Maldy jasandy jolmen semirtetinder bar degendi estigende eriksiz jaǵamdy ustaımyn. Ol adamdardyń da densaýlyǵyna zııan. Al bizdiki tabıǵı taza ónim. Bul ómirde biz úshin halyqtyń alǵysyn alyp, qurmetine bólenip júrgennen qymbat eshteńe joq», – deıdi Meıramkúl ana.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir