Energetıkadaǵy áıel kóshbasshylyǵynyń qazirgi zamanǵy obrazy talqylanady

Ústimizdegi jylǵy 25 qyrkúıekte elordada "KAZAKHSTAN ENERGY WEEK – 2019"  sharasy aıasynda "Energetıkadaǵy áıel kóshbasshylyǵynyń qazirgi zamanǵy obrazy" atty IV forým ótedi.

KAZENERGY Áıelder energetıkalyq klýbynyń forýmy kásiptik jáne jeke ósý úshin qajetti daryn men daǵdylardy damytýǵa járdemdesý jáne tájirıbe almasý boıynsha munaı-gaz jáne energetıka salalarynda jumys jasaıtyn áıelder qaýymyna arnalǵan alań.

2013 jyldan bastap Qazaqstannyń munaı-gaz jáne energetıka sektorlaryndaǵy genderlik saıasatty iske asyrý máselelerin kóterip keledi. 2013, 2015 jáne 2017 jyldary ótken úsh forým munaı-gaz jáne energetıka salalarynyń qyzmetkerleri arasynda joǵary qyzyǵýshylyq týdyrdy.

Forým QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııany, "Atameken" QR UKP Isker áıelder keńesin, memlekettik organdar, iri halyqaralyq uıymdar, ulttyq jáne halyqaralyq munaı-gaz jáne energetıka kompanııalarynyń ókilderin, sala sarapshylaryn jáne t.b. biriktiredi.

Forým sheńberinde attas paneldi sessııany ótkizý josparlanýda. Sessııa talk show formatynda ótedi, oǵan ulttyq jáne halyqaralyq munaı-gaz kompanııalarynyń basshylary men top-menedjerleri shaqyrylady. Osy sessııa sheńberinde Qazaqstannyń munaı-gaz jáne energetıka salalaryndaǵy áıelderdiń kóshbasshylyǵyn damytý, mansap pen jeke ómir teńgerimi, eńbek aqysyn tóleý kezindegi genderlik aıyrmashylyq jáne t.b. máseleler talqylanady.

Sonymen qatar Forým jumysynda KAZENERGY, EQDB jáne  "Ergon" London konsaltıngtik kompanııasynyń "Áıelderdiń QR energetıkasyndaǵy róli" birlesken zertteýleriniń aralyq nátıjeleriniń prezentasııasy ótkiziledi. Forýmda Gender inequality salasyndaǵy PwC (Shveısarııa) halyqaralyq sarapshysy "Jumys oryndarynda áıelderdiń teńdigin qamtamasyz etý úshin korporatıvtik sektordaǵy eń úzdik tájirıbeler" taqyrybyna sóz sóıleıdi.

Is-sharany Qazaqstan Respýblıkasy Úkimetiniń qoldaýymen KAZENERGY qaýymdastyǵy júzege asyrady. Ol munaı-gaz sektorynyń basty is-sharasy – "Kazakhstan Energy Week 2019" (KEW-2019) sheńberinde ótkiziledi.

KEW – 2019 alańy Qazaqstannyń OEK odan tıimdi jáne turaqty damytý máselelerin jan-jaqty talqylaý jáne salaǵa ınvestısııalardy tartý úshin salalyq oqıǵalardy biriktiredi.

KAZENERGY XII Eýrazııalyq Forýmy KEW – 2019 negizgi oqıǵasyna aınalady.

KAZENERGY qaýymdastyǵy 2006 jyldan bastap ótkizip kele jatqan osy is-shara Kaspıı jáne Ortalyq Azııa óńirlerindegi energetıkalyq sektordyń basty halyqaralyq oqıǵasyna aınaldy. Jyl saıyn oǵan dúnıejúziniń 50-den astam eldegi 300-den astam kompanııanyń 2,5 myńnan astam delegaty qatysady. Kóptegen jyldar boıy bedeldi saıası fıgýralar, dúnıejúzilik attaqqa ıe sarapshylar forým qonaqtary boldy Bul – is-sharanyń joǵary bedelin kórsetedi.