2019-2020 oqý jylynda oqýshylar qansha kún demalady?

Bilim jáne ǵylym mınıstrliginiń baspasóz qyzmeti jańa oqý jylynda oqýshylardyń qalaı demalatynyn jarııalady dep habarlaıdy Qamshy.kz aqparat agenttigi Sputnik.kz saıtyna silteme jasap. 

Mınıstrliktiń 2019 jylǵy 29 shildedegi buıryǵyna súıensek, kelesi merzimder bekitilgen:

• 2019-2020 oqý jylynyń basy – 2019 jyldyń 1 qyrkúıegi;
• birinshi synyptar úshin oqý jyly 33 oqý aptasynan tursa, 2-11(12)-synyptar úshin – 34 oqý aptasynan;
• kúzgi demalys 28 qazannan 4 qarashaǵa deıin (7 kún);
• qysqy demalys – 30 jeltoqsannan 9 qańtarǵa deıin (10 kún);
• kóktemgi demalys – 21 naýryzdan 2 sáýirge deıin (13 kún).

Birinshi synyptar qosymsha 3 aqpan men 9 aqpan aralyǵynda demalady (7 kún).

Oqý jyly 2019 jyldyń 1 qyrkúıeginen bastalyp, 2020 jyldyń 25 mamyrynda aıaqtalady.