15 tamyzda Facebook áleýmettik jelisinde Túrkistan qalasyndaǵy eki turǵynnyń óz-ózine qol salmaq bolǵan vıdeosy tarady. Vıdeoda úıiniń shatyryna shyǵyp alǵan er adam gaz ballonyn jarmaq bolǵan. Ol úıiniń súrilýine qarsylyq bildirgen. Úıdi polısııa qorshap, narazy adamdy qala ákimi Rashıd Aıýpov tómenge túsýin suraǵan. Ekinshi vıdeoda egde tartqan áıel úıiniń ishinde pyshaqpen tamyryn kespek bolǵan. Vıdeoda áıeldi polıseıler sabyrǵa shaqyrǵany baıqalady.
Túrkistan qalasy ákiminiń baspasóz qyzmetiniń málimetinshe, vıdeodaǵy oqıǵa 14 tamyz kúni bolǵan. Turǵyndardyń úıin memleket muqtajyna qaıtarý úshin sot sheshimi shyqqan. Olardyń úıi 25 mıllıon teńgege (shamamen 65 myń dollar) baǵalanǵan. Bul aqshany azyrqanǵan turǵyndar úıiniń súrilýine qarsy bolǵan.
"Turǵyndar aman. Olarmen jumys júrgizildi. Eki otbasy da basqa úıge kóshti. 15 tamyz kúni eki úı de súrildi" dep habarlady ákimdiktiń baspasóz qyzmeti.
Ákimdiktiń dereginshe, bul úılerdiń ornyna "Rýhanı-mádenı ortalyq" salynady. Onyń jalpy kólemi – 98 gektar.
Pikir qaldyrý
pikir