ShQO-da sıntetıkalyq esirtki satqandar qolǵa tústi. Jazasy qandaı bolmaq?

ShQO polısııa qyzmetkerleri shartty túrde «jyldamdyq» («skorost») dep atalatyn psıhoaktıvti zattardy satqan azamattardy quryqtady dep jazady Qamshy.kz aqparat agenttigi.

Úsh azamattyń turǵylyqty meken-jaıyn tintý barysynda sıntetıkalyq esirtkiniń jańa túriniń iri mólsherdegi dozasy tabylǵan. Esirtkiniń bul túrine ústimizdegi jyldyń shilde aıynan bastap tyıym salynǵan.

Atalǵan fakt boıynsha QR QK 297-baby boıynsha (Esirtki, psıaktıvti zattar, qospalardy zańsyz satý, taratý, jasaý) qylmystyq is qozǵaldy.

Shendiler 2019 jyldyń shilde aıynan bastap Qazaqstanda esirtki zattarynyń jańa túrlerimen qosa tyıym salynǵan tizim jasaýdy jáne tapsyrmany jedel kúshine engizýdi mindetteıtin zańǵa ózgeris engizilgenin eskertti.

Aıta keteıik, ústimizdegi jyldyń alǵashqy jartyjyldyǵynda narkopolıseıler sıntetıkalyq esirtkini taratýǵa qatysty 56 faktini anyqtady. Onyń 26-sy satýmen aınalysqan. 2,6 kg astam psıhoaktıvti zattar tárkilengen.