• USD 378.65
  • EUR 430.07
  • RUB 6
  • CNY 55.1
23 Tamyz, 20:01:15
Qoryqshylardyń materıaldyq-tehnıkalyq bazasy kúsheıtiledi

12 Tamyz, 2019 NEWS

Belgili jýrnalıst Nurtóre Júsip jańa qyzmetke taǵaıyndaldy.

Qalamger endi senator atandy.

Memleket Basshysynyń Jarlyqtarymen Qazaqstan Respýblıkasy Parlamenti Senatynyń depýtattary bolyp Nurtóre Baıtilesuly Júsip pen Asqar Orazalyuly Shákirov taǵaıyndaldy, dep habarlaıdy Qamshy.kz aqparat agenttigi.
 
Jýrnalıst, Qazaqstan Respýblıkasy Gýmanıtarlyq ǵylym akademııasynyń, Qazaqstan Respýblıkasy Jýrnalıstıka akademııasynyń akademıgi, BAQ salasyndaǵy Qazaqstan Respýblıkasy Prezıdenti syılyǵynyń jáne Qazaqstan Jýrnalıster odaǵynyń B.Bulqyshev atyndaǵy syılyǵynyń laýreaty Nurtóre Júsip 1961 jyly 29 sáýirde Qyzylorda oblysynyń Shıeli aýdanynda dúnıege kelgen.
 
Ál-Farabı atyndaǵy Qazaq ulttyq ýnıversıtetin bitirgen. Pavlodar oblystyq "Qyzyl tý" gazetiniń tilshisi, kólik jáne kommýnıkasııalar bóliminiń meńgerýshisi, bas redaktorynyń orynbasary qyzmetin atqarǵan. 1990-1996 jyldary – "Egemen Qazaqstan" gazeti ekonomıka bóliminiń meńgerýshisi, bas redaktorynyń orynbasary. 1996-2002 jyldary – "Jas alash" gazetiniń bas redaktory. 2002-2005 jyldary – "Aq Jol Qazaqstan" gazetiniń bas redaktory. 2005-2006 jyldary – "Egemen Qazaqstan" gazetiniń bas dırektory. 2006-2008 jyldary – "Astana habary" gazetiniń bas redaktory. 2008 jyldyń aqpanynan osy taǵaıyndaýǵa deıin saıası-qoǵamdyq "Aıqyn" gazetiniń bas redaktory.
 
Onyń "Biz kimnen kembiz", "Qazaqtyń qyzy", "Eles pen beles" atty pýblısıstıkalyq jınaqtary jaryq kórgen. "Qurmet" ordenimen, medaldarmen marapattalǵan.
 
Asqar Shákirov 1956 jylǵy 2 aqpanda Qaraǵandy qalasynda týǵan. M.V. Lomonosov atyndaǵy Máskeý memlekettik ýnıversıtetiniń Azııa jáne Afrıka ınstıtýtyn, KSRO IIM akademııasynyń kúndizgi adıýnktýrasyn bitirdi.
 
Zań ǵylymdarynyń kandıdaty. Aǵylshyn jáne qytaı tilderin meńgergen. Birinshi sanattaǵy Tótenshe jáne О́kiletti Elshi dıplomatııalyq rangisi bar. 
 
1978 jyldan 1992 jylǵa deıin KSRO Ishki ister mınıstrliginiń júıesinde jumys istedi. 1992 jyldan – Qazaqstan Respýblıkasy Syrtqy ister mınıstrliginiń Sharttar-quqyqtyq basqarmasynyń bólim meńgerýshisi, bastyqtyń orynbasary, bastyǵy, QR Syrtqy ister mınıstrligi alqasynyń múshesi. 1995 jyldan 1996 jylǵa deıin – Qazaqstan Respýblıkasynyń Koreıa Respýblıkasyndaǵy isterinde ýaqytsha senimdi ókil. 1996 jyldan 1998 jylǵa deıin – Qazaqstan Respýblıkasy Syrtqy ister mınıstrliginiń erekshe tapsyrmalary boıynsha elshi. 1996 jyldan 1998 jylǵa deıin – Qazaqstan Respýblıkasy Syrtqy ister mınıstriniń orynbasary. 1998 jyldan 2004 jylǵa deıin – Qazaqstan Respýblıkasynyń Úndistandaǵy Tótenshe jáne О́kiletti Elshisi, 2004 jylǵy tamyz aıynan – Qazaqstan Respýblıkasy Syrtqy ister mınıstriniń orynbasary. 2006 jylǵy aqpannan 2007 jylǵy maýsymǵa deıin – Qazaqstan Respýblıkasy Qarjy mınıstrliginiń Keden komıtetiniń tóraǵasy. 2007 jylǵy qyrkúıekten Qazaqstan Respýblıkasyndaǵy Adam quqyqtary jónindegi ýákil qyzmetterin atqarǵan.

KSRO-nyń III dárejeli «Za bezýprechnýıý slýjbý» medalimen, Qazaqstan Respýblıkasynyń «Astana», «Eren eńbegi úshin», «Qazaqstan Respýblıkasynyń táýelsizdigine 10 jyl», «Qazaqstan Respýblıkasynyń Parlamentine 10 jyl», «Qazaqstan Konstıtýsııasyna 10 jyl», «Halyqaralyq áskerı dostastyqty damytqany úshin» medaldarymen, Reseı Federasııasynyń «Za ýkreplenıe tamojennogo sodrýjestva» medalimen, Qyrǵyzstan Respýblıkasynyń «Za ýkreplenıe tamojennogo sotrýdnıchestva» medalimen marapattalǵan.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir