Mańǵystaý oblysynyń prokýratýrasy birinshi jartyjyldyqty qorytyndylandy

Eseptik kezeńde prokýrorlarmen 158 myń azamattyń quqyqtary qorǵalyp, memleket paıdasyna 3 mlrd. teńge óndirildi, 2,5 mlrd. teńgeni quraıtyn múlik memleket menshigine qaıtaryldy.

Prokýrorlyq qadaǵalaý aktilerimen 3,5 myń jumysshynyń 407 mln. teńge jalaqy boıynsha bereshegi óteldi.

Qylmystyq qýdalaý salasynda aldyn alý sharalarymen asa aýyr qylmystardyń 18% jáne aýyrlyǵy ortasha qylmystardyń 13% tómendeýine qol jetkizildi.

Sıfrlandyrý baǵdarlamasy aıasynda elektrondyq formatta 756 qylmystyq is tergeldi, ol jalpy tirkelgen isterdiń 31,5% quraıdy.

Prokýrorlarmen zańsyz ustalǵan 9 tulǵa qyzmettik jaılar men ızolıatorlardan bosatyldy.

Ýákiletti organdarmen jáne bıznes ókilderimen birlesip, oblystyń qylmystyq-atqarý mekemelerinde jazalaryn ótep jatqan 505 tulǵa jumyspen qamtamasyz etildi.

Quqyq qorǵaý qyzmetteri ortalyǵynda prokýrorlar 650 azamatty qabyldap, olarǵa tıisti quqyqtyq kómek kórsetti. 

Alqa qorytyndysy boıynsha Mańǵystaý oblysy prokýratýrasynyń basshylyǵymen birqatar tapsyrmalar berildi.