29 Shilde, 2019 Oqıǵalar
Shalqarlyq 21 jastaǵy jigit úsh adamdy atty
Olar ár túrli dene jaraqatymen aýrýhanaǵa túsken.
Shalqarda 21 jastaǵy jigit úsh adamdy atty. Jaralanǵandardyń biri qaıtys boldy dep habarlaıdy Qamshy.kz aqparat agenttigi Tengrinews.kz saıtyna silteme jasap.
27 shildede shamamen 4:33-te aýdandyq aýrýhananyń qabyldaý bóliminen Shalqar qalasyndaǵy Aıteke bı kóshesiniń "Mereı" saýda ortalyǵyna jaqyn mańda Aıteke bı kóshesi mańynda bytyraly oqtan úsh adam zardap shekkenin habarlaǵan.
Bular jergilikti turǵyndar. Olar ár túrli dene jaraqatymen aýrýhanaǵa túsken. Zardap shekkenderdiń biri qaıtys boldy.
"Polıseıler jedel izdeý sharalary barysynda izin sýytpaı kúdiktini ustady, ol 21 jastaǵy jergilikti turǵyn ekeni belgili boldy.Ol kinásin moıyndady", - delingen habarlamada.
Kúdikti 16-kalıbrli ań aýlaý myltyǵyn stadıonǵa jasyryp qoıǵan. Qarý tárkilendi. Sotqa deıingi tergeý sharalary QR Qylmystyq kodeksiniń 99-baby ("Adam óltirý") boıynsha júrip jatyr. Kúdikti qamaýǵa alyndy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir