Mınıstr: Adamnyń aǵzalaryn alýǵa zań júzinde ruqsat etiledi

Densaýlyq saqtaý mınıstri Eljan Birtanov zań aıasynda adam aǵzalaryn alý qalaı júzege asyrylatynyn túsindirdi dep habarlaıdy Qamshy.kz aqparat agenttigi sputniknews.kz saıtyna silteme jasap.

"Bizdiń zań boıynsha ár azamat kózi tirisinde jazbasha túrde donor bolýdan bas tartsa, onda organdaryn almaıdy. Basqa jaǵdaıda eger jazbasha bas tartqany týraly qaǵaz bolmasa, ol adamnyń aǵzalaryn alýǵa zań júzinde ruqsat etiledi", - dedi Birtanov jýrnalısterge bergen suhbatynda.

Mınıstrdiń aıtýynsha, búginde donordy kútip júrgen naýqastar kóp. Al qazirgi normanyń arqasynda biraz adamnyń ómirin saqtap qalýǵa bolady.

"Biraq keıde týǵan-týystar sotqa beredi. Nege bizden ruqsat almaı, aǵzany alasyz dep shaǵymdanady. Negizi, zań boıynsha ruqsat alýdyń qajeti joq. Adam tiri kezinde qarsy ekenin jazyp ketýi kerek. Mysaly, búginde sıfrovızasııa aıasynda emhanaǵa tirkelgende ár azamatqa donor bolýǵa kelisesiz be, álde bas tartasyz ba dep usynys jasalady. Kóp azamattar kelisedi. Biz osyny paıdalanyp, basqa adamdardyń ómirin saqtap júrmiz", - dep atap kórsetti Birtanov.