"Almaty" telearnasyna jańa basshy taǵaıyndaldy

"Almaty" telearnasynyń dırektorlar keńesiniń sheshimimen "Qazaq radıolary" JShS burynǵy Bas dırektory Nurjan Muhamedjanova "Almaty" telearnasynyń Bas dırektory qyzmetine taǵaıyndaldy dep habarlaıdy Qamshy.kz aqparat agenttigi Almaty qalasy ákimdiginiń resmı saıtyna silteme jasap..

Muhamedjanova Nurjan Jalaýqyzy eńbek jolyn Qazaq radıosynda balalar men jastarǵa arnalǵan baǵdarlamalar redaktory qyzmetinen bastaǵan. 1991 jyly Qazaq radıosynyń "Shalqar" aqparattyq-saraptamalyq baǵdarlamalar redaksııasynyń bas redaktory bolyp taǵaıyndaldy. 1992 - 1994 jyldary Qazaq radıosynyń saıası sarapshysy jáne Bas dırektordyń birinshi orynbasary qyzmetin atqardy.

1995 - 1997 jyldary QR Prezıdentiniń baspasóz qyzmetinde enbek etti. 1997 - 2006 jyldary Qazaqstandaǵy "Internews Network" Halyqaralyq uıymy ókildiginiń dırektor orynbasary, atqarýshy dırektory boldy. 2006 - 2011 jyldary "31 telearnasyna" jetekshilik etti. 2011 jyldyń shilde aıynan bastap 2016 jyldyń qazan aıyna deıin "Qazaqstan" AQ TRK Basqarma Tóraıymy qyzmetin atqardy.

2016 jyldan búgingi kúnge deıin "31 arnanyń" Bas prodıýseri, "Qazaqstan" AQ TRK quramyndaǵy "Qazaq Radıolary" JShS Bas dırektory qyzmetinde boldy.Qazaqstan Respýblıkasynyń Eńbek sińirgen qaıratkeri.