• USD 378.65
  • EUR 430.07
  • RUB 6
  • CNY 55.1
26 Tamyz, 16:03:14
Nyǵmatýlın Parlamenttiń qos palatasyn birlesken otyrysqa shaqyrdy

23 Shilde, 2019 Ekonomıka

Aldaǵy ýaqytta kredıt berý sharttary ózgeredi

Tutynýshylyq kredıtterdi berý kezindegi bankterdiń menshik kapıtalyna qoıylatyn talaptar kúsheıetin bolady.

Ulttyq bank tóraǵasy Erbolat Dosaev kredıt berý sharttaryn ózgertý týraly aıtty, dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

Bas bankırdiń aıtýynsha, jyl sońyna deıin azamattardyń bereshegin ósirmeý maqsatynda onlaın kredıtorlar, kredıttik seriktester men lombardtardy retteýge arnalǵan normatıvti aktiler qabyldanady.

"Bankter men banktik qyzmet týraly zańǵa, sondaı-aq mıkroqarjylyq uıymdar týraly zańǵa 90 kúnnen astam merzimi ótken qaryzdarǵa turaqsyzdyq aıybyn, komıssııalardy jáne ózge de tólemderdi esepteýge tyıym ornatý boıynsha túzetýler engiziletin bolady. Ulttyq bank atalaǵan túzetýlerdi parlamenttiń qaraýyna qyrkúıekte engizedi", - dedi Dosaev úkimet otyrysynda.

Onyń sózine qaraǵanda, kredıt alǵan adamnyń otbasyna qalypty ómir súrýge qajetti qarjyny qaldyrý úshin azamattardyń boryshtyq júktemesin esepteý kezinde barlyq másele eskeriledi.

"Qaryz alýshynyń barlyq mindettemesi, onyń tólem qabilettigi jáne áleýmettik mártebesi esepke alynatyn bolady. Boryshtyq júkteme koeffısentiniń shekti mólsherin esepteý kezinde otbasynyń kámelettik jasqa tolmaǵan árbir múshesine tıesili eń tómengi kúnkóris mólsheri shegeriletin bolady", - dep atap ótti Dosaev.

Budan bólek, tutynýshylyq kredıtterdi berý kezindegi bankterdiń menshik kapıtalyna qoıylatyn talaptar kúsheıetin bolady. Osynyń arqasynda shekten tys kredıt berý saıasatynyń aldyn alýǵa bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir