Arysta oryn alǵan apattyń zardabyn joıýǵa Reseı áskerıleri de kómektesedi

Arysta oryn alǵan apattyń zardabyn joıýǵa Reseı áskerıleri de kómektesedi dep jazady Qamshy.kz aqparat agenttigi.  Osy maqsatta Reseıden arnaıy delegasııa keldi. Onyń quramyna joǵary sanatty ınjener-saperler, Reseı federasııasy qarýly kúshteriniń zymyran- artıllerııalyq bólimshe mamandary endi. Mamandar jaǵdaıdy saraptap, ári zalalsyzdyndyrý barysy jaıynda pikir bildirdi.

"Bul jerge Reseı delegasııasy quramynda jarylys saldaryn joıý kezinde mınadan tazartý máselelerinde konsýltasııalyq kómek kórsetý úshin keldik.

Eldi mekendegi zalal aýqymy osy arsenalda qyzmet ótkeretin áskerılerdiń, órt sóndirý eseptoptarynyń ýaqtyly áreket etýiniń arqasynda osyndaǵy oq-dáriler mólsherimen salystyrǵanda barynsha tómen.

Jarylǵysh zattar, oq-dáriler saqtalatyn jerde jarylystar bolyp turady, odan eshkim saqtandyrylmaǵan.

Birinshiden, qala mańyndaǵy eldi meken taza. О́te aýqymdy jumys júrgizilgen. Shyn máninde, bul jerde aýa raıy temperatýrasyna qaramastan, tikeleı jaǵdaıda aýqymdy jumys júrgizilgen.  Sondaı-aq osy jerde qyzmet ótkeretin adamdar joǵary kásibı sheberlikpen oq-dárilerdi saqtaǵan. Osynyń arqasynda arsenaldyń ekinshi alańy jarylysqa ushyraǵan joq. Bul jerde saqtaýda turǵan oq-dáriler mólsherine qaraǵanda, jarylys saldary óte tómen.  Bul jerdegi jumys uıymdastyrý máselelerinen bastap jeke quramnyń tikeleı oryndaýdy aıaqtaýmen kásibı sheberlikpen istelýde.

Tıisinshe búgin eksperımenttik jarýdy júrgizdik. Osy jumysqa Qazaqstan Respýblıkasy ınjenerlik áskerleriniń bastyǵy basshylyq etti.  Osy jumys ınjenerlik áskerler mamandary esepteriniń durys ekenin taǵy da rastady. Biz bul jerde kórgenimiz, bizdiń aqparatymyz boıynsha tótenshe jaǵdaı aımaǵy bolyp tabylatyn qalanyń syrtqy perımetri boıynsha tazartýdy jeke quram, ıaǵnı ınjenerlik áskerler tórt kúnde jasap shyqqan.  Árıne, bul tek kásibı sheber áskerı qyzmetshilerdiń ǵana qolynan keletin aýqymdy jumys", - deıdi Alekseı Zotov.