Qyzylordada balasy úshin anasy sottaldy

Qazaqstan tarıhynda kámelet jasqa tolmaǵan balasyna kólik aıdaýǵa jol bergen ata-anaǵa qatysty mundaı jaza alǵash ret qoldanyldy, dep jazady inbusiness.kz.

14 jastaǵy jasóspirimniń 2018 jyly 28 jeltoqsanda Saıda Abdýllany kólikpen qaǵyp, artynsha ólimge soqtyrǵany eldiń esinde. Qyzylorda qalasynyń №2 soty QR QK 349-babynyń 3-bóliminde qarastyrylǵan, ıaǵnı kólik aıdaýǵa quqy joq týǵan balasyna kólik quralynyń róline otyrǵyzǵany úshin T. esimdi azamatsha kináli dep tanyldy.

Ol sot zalynda qamaýǵa alynyp, sot sol áıelge bir jarym jylǵa bas bostandyǵynan aıyrý jazasyn taǵaıyndady. Bul bapqa, sáıkes eń úlken jaza – 3 jylǵa bas bostandyǵynan aıyrý. Sondaı-aq, sot áıeldi 2 jylǵa kólik aıdaý quqyǵynan aıyryp, oǵan qosymsha jaza taǵaıyndady. Budan basqa, moraldyq shyǵyn keltirgeni úshin áıelden 1 000 000 teńge óndirip alynady.