Jambyl oblysynda JKO-dan qaza tapqan polıseılerdiń esimderi belgili boldy

Jambyl oblysy Moıynqum aýdanynyń aýmaǵynda jol-kólik oqıǵasy saldarynan qaza tapqan polıseılerdiń esimi belgili boldy, — dep habarlaıdy Qamshy.kz aqparat agenttigi Tarazy.kz saıtynyń deregin negizge alyp. 

«О́z mindeterin adal atqaryp, qyzmet babynda qaza bolǵan polısııa maıory Saıat Qosdaýletuly Tleýberdıevke jəne polısııa aǵa serjanty Murat Bazarqululy Bazarqulovqa əskerı qurmet kórsetildi. Moıynqum APB ǵımaratynyń aldynda qyzmet babynda qaza bolǵan mılısııa kapıtany B.Amantaevtiń qurmetine ornatylǵan «Mindet, abyroı, erlik» eskertkishiniń aldynda APB jeke quramy sapqa túzilip, bir mınýt únsizdikten soń qurmet salıýty úsh dúrkin atylyp, əriptesterimizdi sońǵy saparǵa shyǵaryp saldyq. Jatqan jeri ımandy, topyraǵy torqaý bolsyn!», — delingen Moıynqum polısııasynyń Instagram jelisindegi paraqshasynda.

 

Jambyl oblystyq polısııa departamenti baspasóz qyzmetiniń jetekshisi Gúlsara Muhtarqulova joǵaryda kórsetilgen azamattardyń Moıynqum aýdandyq polısııa bólimshesiniń qyzmetkerleri bolǵanyn jáne 13 shildede jumys babynda júrip jol apatynan qaza tapqanyn rastady.

Aıta keteıik, 13 shildede Jambyl oblysy Moıynqum aýdany aýmaǵynda SsanYong markaly avtokólik aýdarylyp, saldarynan Moıynqum aýdandyq polısııa bóliminiń eki qyzmetkeri jáne bir О́zbekstan Respýblıkasynyń azamaty qaza tapty.

Keıinirek, Jelide polıseıler qaza tapqan jol apaty bolǵan jerde túsirilgen sýretter paıda boldy.

Osy is boıynsha sotaldy tergeý sharalary QR QK-niń 345-baby 4-bóligi («Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy») boıynsha júrip jatyr.