• USD 378.65
  • EUR 430.07
  • RUB 6
  • CNY 55.1
21 Tamyz, 18:26:38
Bala quqyqtaryn qorǵaý - aldyńǵy orynda

19 Shilde, 2019 NEWS

Qazaqstanda ınternetke shekteý qoıylmaq

Osy mándegi SMS-ter  uıaly baılanys abonentterine kele bastaǵan bolatyn.

Qurylǵyǵa arnalǵan qaýipsizdik sertıfıkatynyń bolmaýy ınternet resýrstarynyń qoljetimdiligin shekteýi múmkin dep habarlaıdy Qamshy.kz aqparat agenttigi. 

 
Atalmysh sertıfıkatty Kcell, Activ, Tele2, ALTEL, Beeline uıaly baılanysyn qoldanýshylary da ornatý qajet. Bul málimetti baılanys operatorlarynyń barlyǵy biraýyzdan rastap otyr.
 
Atalmysh habarlamalar Qazaqstanda tirkelgen barlyq abonentterge joldanady. Ár operator óz abonentterine habarlama arqyly silteme jiberedi. Kórsetilgen siltemege ótý arqyly qaýipsizdik júıesiniń sertıfıkatyn kóshirý kerek. Kóshirilgen sertıfıkatty ornatý qajet bolady.
 
Osydan keıin "Sertıfıkat sátti ornatyldy" degen aqparat keledi. Sol sátten bastap abonent Qazaqstan Respýblıkasynda kirýge múmkin emes saıttardyń barlyǵynan qorǵalatyn bolady.

Qaýipsizdik sertıfıkatyn engizý aqparattyq júıeler men derekterdi qorǵaýǵa, sondaı-aq elimizdiń aqparattyq keńistigi júıesine, jeke, sonyń ishinde banktik sektorǵa ınternet-alaıaqtardyń hakerlik, kıbershabýyldaryn zııan keltirgenge deıin anyqtaýǵa kómektesedi.

Qaýipsizdik sertıfıkaty — bul shıfrlaýdy qoldaıtyn hattamalardy qamtıtyn trafıkti ótkizý úshin qoldanylatyn elektrondyq sıfrlyq sımvoldardyń jıyntyǵy. Osylaısha, ol Internet jelisiniń qazaqstandyq paıdalanýshylaryn hakerlik shabýyldardan jáne zańǵa qaıshy kontentti kórýden qorǵaýǵa múmkindik beredi.

Kompanııa abonentterge QR «Baılanys týraly» Zańyna jáne «Qaýipsizdik sertıfıkatyn berý jáne qoldaný qaǵıdalarynyń» 11-tarmaǵyna sáıkes Internetke qoljetimdiligi bar derbes qurylǵylarǵa «Qaýipsizdik sertıfıkatyn» ornatý qajettiligi týraly habarlaıdy Zańnamanyń talaptaryna sáıkes baılanys operatorlary baılanys qyzmetterin kórsetýge shart jasasqan abonentteri arasynda qaýipsizdik sertıfıkatyn taratýdy qamtamasyz etedi.

Qaýipsizdik sertıfıkatyn ornatý Internetke kirý úshin qoldanylatyn árbir qurylǵydan (iOS/Android negizindegi mobıldi telefondar jáne planshetter, Windows / MacOS negizindegi derbes kompıýterler jáne noýtbýkter) oryndalýy qajet ekenine nazaryńyzdy aýdaramyz.

Abonenttik qurylǵylarda qaýipsizdik sertıfıkaty bolmaǵan jaǵdaıda, jekelegen ınternet-resýrstarǵa qol jetkizýde tehnıkalyq shekteýler týyndaýy múmkin.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir