• USD 378.65
  • EUR 430.07
  • RUB 6
  • CNY 55.1
26 Tamyz, 15:55:29
Nyǵmatýlın Parlamenttiń qos palatasyn birlesken otyrysqa shaqyrdy

15 Shilde, 2019 NEWS

Toqaev jabylatyn nesıeler týraly: Bul ispen endi aınalyspaımyz!

Az qamtylǵan otbasylardyń nesıesi 1-qyrkúıekke deıin jabylady.

Elimizdegi az qamtylǵan otbasylardyń qaryzyn tolyqtaı jabý naýqany aǵymdaǵy jyldyń 1-qyrkúıegine deıin ótelmek. Bul týraly Úkimettiń keńeıtilgen otyrysynda Ulttyq bank tóraǵasy Erbolat Dosaev aıtty dep jazady Qamshy.kz aqparat agenttigi.

Úkimet otyrysy barysynda Qasym-Jomart Toqaev qaryz óteýge qaýqarsyz adamdardyń nesıesin tóleý týraly buıryǵynyń júzege asý barysy týraly surady.

Ulttyq bank tóraǵasynyń aıtýynsha, bul buıryqty júzege asyrý úshin memlekettik qarjy mekemesi eki blokka bólinip jumys jasaýda.

"QR Eńbek jáne halyqty áleýmettik qorǵaý mınıstrligimen júrgizilip jatqan adamdardyń nesıesi týraly aqparat pen olardyń ál-ahýaly týraly málimet alý jumystaryn osy aptada aıaqtaımyz. Al kelesi aptadan bastap biz ekinshi deńgeıli bankter men kishi qarjy uıymdarymen, problemaly nesıeler Qorymen kelissózder júrgize bastaımyz. Aǵymdaǵy jyldyń 1-qyrkúıegine deıin bank tarapynan bul jumystar aıaqtalady dep oılaımyz", - dedi Dosaev.

Qasym-Jomart Toqaev óz kezeginde bul jumysty Úkimet pen Prezıdent ákimshiligi tarapynan qatań qadaǵalap otyrýdy tapsyrdy.

"Biz bul aksııany bir ret jarııaladyq. Ári qaraı bul jumyspen aınalyspaımyz, aınalysýǵa quqyǵymyz da joq. Biraq halyqqa jarııa etilgen dúnıe óz ýaqytynda, sapaly oryndalýy tıis", - dedi Toqaev.

Eske sala keteıik, Qazaqstan Respýblıkasynyń prezıdenti azamattardyń ahýalyn jaqsartý úshin nesıelerdi jáne paıyzdyq ústemelerdi tóleý týraly buıryq shyǵarǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir