09 Shilde, 2019 Álem
Mýzykaǵa ǵashyq ımam qyzmetinen qýyldy (vıdeo)
Ol bul isti jeńetinine senimdi.
Túrkııanyń burynǵy ımamy Ahmet Mýhsın Tıýzer Eýropanyń adam quqyǵy jónindegi sotyna shaǵymdanýdy josparlap otyr. Antalıa qalasynyń ákimshilik sotynda ımamnyń jumysyna qaıta kirisýine ruqsat bermegen, dep habarlaıdy Sputnik Qazaqstan saıtyna silteme jasap.
Ahmet Tıýzerdi Antalıa provınsııasyndaǵy Kash qalasy meshitiniń ımamy qyzmetinen bosatqan bolatyn. Ol memlekettik qyzmetke jaramsyz dep tanylǵan.
Burynǵy ımam bolsa, ózin FiRock rok-tobyn qurǵany úshin jumystan shyǵardy dep esepteıdi.
"Antalıanyń ákimshilik sotynyń jumysyma qaıta kirisýime ruqsat bermeýi meni qatty qynjyltty. Aldaǵy ýaqytta Adam quqyǵy jónindegi eýropalyq sotqa shaǵymdanýdy josparlap otyrmyn", -dedi ol.
Tıýzer bul isti jeńetinine senimdi. Ol mýzykanyń arqasynda jastardyń júregine jol tapqanyn aıtady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir