Atyraýda astananyń týǵan kúnine oraı merekelik konsert ótti

Búgin Atyraý qalasynda Qazaqstan astanasy Nur-Sultan qalasynyń týǵan kúnine oraı merekelik konsert ótti dep habarlaıdy Qamshy.kz aqparat agenttigi Atyraý oblysynyń О́ńirlik kommýnıkasııalar qyzmetine silteme jasap. 

"El astanasy — Nur-Sultan" atty merekelik shara M.О́temisuly atyndaǵy akademııalyq qazaq drama teatrynda ótti. Keshte Elimizdiń astanasyna arnaıy jazylǵan ánder shyrqaldy. 

Sharaǵa arnaıy qatysqan aımaq basshysy Nurlan Noǵaev aıtýly merekemen quttyqtap, Nur-Sultan qalasynyń negizin salýdaǵy mańyzdylyǵyna toqtaldy. 

"Elbasymyz Nursultan Nazarbaevtyń bastamasymen QR astanasyn Almatydan Esil boıyna kóshirý týraly jarlyqqa qol qoıǵan bolatyn. Búgingi tańda sol sheshimniń oń nátıjesin kórip, kýágeri bolyp kelemiz. Elordamyz bilimmen ǵylymnyń, mádenıet pen sporttyń ortalyǵyna aınalyp otyr. О́ńirlik ǵana emes álemdik deńgeıde kóterilgen máselelerdi sheshý úshin Nur-Sultan qalasynda álemniń kóshbasshylary bas qosyp, keleli sheshimder qabyldanyp kele jatyr",- deıdi Atyraý oblysynyń ákimi Nurlan Noǵaev.