• USD 378.65
  • EUR 430.07
  • RUB 6
  • CNY 55.1
26 Tamyz, 16:01:00
Nyǵmatýlın Parlamenttiń qos palatasyn birlesken otyrysqa shaqyrdy

05 Shilde, 2019 Barlyq aımaqtar

B.Baıbek: apta saıyn Arysty qalpyna keltirý jumystarynyń nátıjesi jarııalanyp otyrady

Bul týraly «Nur Otan» partııasy Tóraǵasynyń Birinshi orynbasary Túrkistan oblysynyń Arys qalasyna kelgen saparynda aıtty.

Apattan zardap shekken halyqpen kezdesýde Baýyrjan Baıbek bul tótenshe jaǵdaıdyń búkil halyqty alańdatqan aýyr oqıǵa bolǵanyna nazar aýdardy.

– Qazirgi tańda barsha qazaqstandyqtar judyryqtaı jumylyp kómek qolyn sozýda. Memleket tarapynan da naqty sharalar qolǵa alynyp jatyr. Osyǵan baılanysty Elbasynyń tapsyrmasymen qalpyna keltirý jumystaryna partııa tarapynan qoǵamdyq baqylaý kúsheıtiledi. Bul jumystar Memleket Basshysynyń da basty nazarynda, – dedi partııa Tóraǵasynyń Birinshi orynbasary.

Búginde Arysty qalpyna keltirý jumystary qarqyndy túrde júrgizilýde. Qala 17 sektorǵa bólinip, árqaısysy elimizdiń ár aımaǵyna bólinip berilgen. Baýyrjan Baıbek bul jumystar partııanyń basty nazarynda bolyp, apta saıyn aımaqtardyń atqarǵan jumystarynyń nátıjeleri jarııalanatynyn jetkizdi. nur otan

– Ár aptanyń sońynda Arysty qalpyna keltirý jumystarynyń barysy týraly málimetterdi jınaqtap, onyń nátıjesin ashyq túrde halyqqa jarııalap otyramyz. Qaı oblystyń qalaı jumys istep jatqanyn halyq kórip, bilýi kerek. Árıne ár aımaqqa bólinip berilgen sektorlardyń jaǵdaıy birkelki emes. Sondyqtan naqty nátıje men dáıekti derekterge súıenip áreket etemiz, – dedi Baýyrjan Baıbek.

Sondaı-aq ol «Nur Otan» partııasynyń gýmanıtarlyq kómekter qabyldap, arystyqtarǵa jiberý jumystaryn júıeli túrde júrgizgenin atap ótti. nur otan

– Mundaı jaǵdaıda eldigimizdi kórsetip, osy qıyndyqty bekem birligimizben eńserip shyǵýymyz kerek. Bul jumystarda partııa tarapynan turaqty qoldaý bolady. Osy rette jasotandyqtardyń belsendiligin de erekshe atap ótkim keledi. Bizdiń partııanyń jastary eriktilerdi bastap, ózderi osy jaqqa kelip, tikeleı úles qosyp jatyr, – degen Baýyrjan Baıbek búginde keıbir jastardyń atqarylyp jatqan jumystardy synap, eldiń arasyna iritki salyp jatqanyna da nazar aýdardy.

Sonymen qatar sapar barysynda Baýyrjan Baıbek Túrkistan oblysynyń ákimi О́mirzaq Shókeevpen birge apattan zardap shekken áleýmettik nysandardy da aralap, olardy qalpyna keltirý jumystarynyń jaı-kúıimen tanysty. Atap aıtqanda, qaladaǵy «Altyn tumar» balabaqshasyna arnaıy baryp, jarylys kezinde balalardy qaýipsiz jerge kóshirý jumystaryn jedel ári júıeli túrde júrgizgen tárbıeshilermen, ata-analarmen, psıholog mamandarmen jáne jergilikti aqsaqaldarmen kezdesti. nur otan

Sondaı-aq Almaty qalasyna bekitilip berilgen sektorda ornalasqan úılerdiń birine arnaıy at basyn buryp, turǵyndarymen tildesti. Qazirgi tańda atalǵan baspana turýǵa jaramsyz dep tanylǵan. Soǵan baılanysty Almaty qalasy úıdi qaıta salyp bermek.

Odan bólek, Baýyrjan Baıbek «Arysqa kómek» aksııasy aıasynda Almaty qalasynan jiberilgen gýmanıtarlyq kómek kerýenin kútip alýǵa qatysyp, apattyń saldaryn joıý jumystaryna belsendi qatysyp júrgen jasotandyq eriktilermen kezdesti. Elimizdegi eń iri qaladan Arysqa negizinen qurylys materıaldary kelgenin aıta ketken jón. nur otannur otannur otan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir