• USD 378.65
  • EUR 430.07
  • RUB 6
  • CNY 55.1
26 Tamyz, 14:24:05
Nyǵmatýlın Parlamenttiń qos palatasyn birlesken otyrysqa shaqyrdy

03 Shilde, 2019 NEWS

1 shildede engizilgen reforma: júrgizýshi kýáligi nege berilmeı jatyr?

Ishki ister mınıstrligi kólikterdi rásimdeý men júrgizýshi kýáligin berýdi ortalyqtan baqylaý úshin 1 shildeden bastap veb-modýl engizgen bolatyn.

Halyqqa qyzmet kórsetý ortalyqtaryndaǵy uzyn-sonar kezektiń sebebi belgili boldy dep habarlaıdy Qamshy.kz aqparat agenttigi KTK telearnasyna silteme jasap.

Ishki ister mınıstrligi kólikterdi rásimdeý men júrgizýshi kýáligin berýdi ortalyqtan baqylaý úshin 1 shildeden bastap veb-modýl engizgen bolatyn. Alaıda otandyq kompanııa óndirgen kompıýterlik baǵdarlamada aqaý ketip, aptap ystyqta jurt mamandandyrylǵan qyzmet kórsetý ortalyǵynda seńdeı soǵylysyp júr.

1 shildeden bastap kezekti reformany qolǵa alǵan Ishki ister mınıstrligi jańashyldyqqa daıyn bolmaı shyqty. Sońǵy eki táýlikte elimizdiń túpkir-túpkirindegi kólik júrgizýshileri halyqqa qyzmet kórsetý ortalyqtarynda sabylyp júr. Mamandar tıisti qujatty qabyldaǵanymen jaýapty vedomostvanyń aqparattyq bazasy baıaý jumys isteýde. Kóligin tirketip nemese júrgizýshi kýáligin aýystyrýǵa kelgen jurt saǵattap kezekte turýǵa májbúr, dep habarlady 

Almatydaǵy mamandandyrylǵan halyqqa qyzmet kórsetý ortalyǵynda adam nópiri kóp. Zalda da, syrtta da otyratyn joq. Bar sharýasyn keıinge ysyryp, ortalyqty toraýyldap júrgenderdiń barlyǵy – kólik júrgizýshileri. Báriniń taǵaty taýsylsa da qas-qaraıǵansha júrýge daıyn.

"Kóligimdi satyp edim. Qujattaryn rásimdeı almaı jatyrmyn. Ne aıtpaıdy, ne bermeıdi. Eldi jınap qoıyp otyr", - deıdi Almaty qalasynyń turǵyny Asqar О́skenbaev.

Al taǵy bir qala turǵyny Ermek Áldekov júrgizýshi kýáligin aýystyrýǵa kelgen.

"Tańǵy saǵat 7-den beri turmyz", - dep shaǵymdandy ol.

Kesheden bastap Ishki ister mınıstrligi júrgizýshi kýáligin beretin tirkeý-emtıhan bólimindegi qyzmetin halyqqa qyzmet kórsetý ortalyqtaryndaǵy mamandarǵa ótkizdi. Iаǵnı aldaǵy ýaqytta "Azamattarǵa arnalǵan úkimet" memlekettik korporasııasynyń mamandary júrgizýshi kýáligin alýshylardan teorııalyq jáne tájirıbelik emtıhandardy qabyldaıdy degen sóz. Alaıda, kólikti tirkeý men júrgizýshi kýáligin berý isi Ishki ister mınıstrliginiń quzyrynda qalady.

"Emtıhan, tirkeý bólimderi bólek jumys isteıdi. Iаǵnı elektrondy túrde. Beg ofıs pen front-ofıs arasynda alshaq qyzmet kórsetemiz. Osyǵan oraı aqparattyq qyzmet kórsetý júıesi baıaý istep jatyr. Biraq birte-birte qalpyna kelip jatyr, - dep túsindirdi Almaty qalasy mamandandyrylǵan halyqqa qyzmet kórsetý ortalyǵynyń basshysy Sáken Baıǵalıev.

Osylaısha qashyqtyqtan basqarylatyn sharýa Almatyny ǵana emes, elimizdiń ár túkpirindegi júrgizýshilerdi ábirgerge salýda. Derekter bazasyndaǵy aqaý óskemendikterdiń de tózimin taýysty. Talon berilmegendikten turǵyndar paraqqa aty-jónderin jazyp tizim qurǵan. Alaıda onyń jyljıtyn túri joq.

"Kesheden beri osyndamyz. 200 adam jazyldy. Qolymdaǵy tizimge qarańyz. Jaýaptylar bolsa qajetti baǵdarlamany búgin ornatyp júr. Nege aldyn-ala daıyndalmaıdy? Kún ystyqta ábigerge tústik", - deıdi О́skemen qalasynyń turǵyny Sáýle Sháripova.

Júrgizýshi kýáligin berý men kólik quraldaryn tirkeýge polısııany múldem aralastyrmaı, jemqorlyqty joıýǵa kirisken mınıstrlik bolǵan keleńsizdikti jaqyn arada joıamyz dep sendirip otyr.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir