• USD 378.65
  • EUR 430.07
  • RUB 6
  • CNY 55.1
26 Tamyz, 05:14:35
Qoryqshylardyń materıaldyq-tehnıkalyq bazasy kúsheıtiledi

03 Shilde, 2019

Ákesi armatýramen urǵan 8 jasar balanyń anasy ulyn kinálap otyr (vıdeo)

Ákemnen taıaq jedim, eki kúnniń birinde anamdy da soqqynyń astynda alady. Ol shydamaı úıden ketip qaldy"

Ákesi armatýramen uryp, denesiniń saý tamtyǵy qalmaǵan 8 jastaǵy bala aýrýhanaǵa tústi. Qatygez ákeden qashqan balaǵa kóshedegi jandar kómek bergen. Kóp uzamaı áleýmettik jelige taraǵan vıdeodan óz ulyn tanyǵan sheshe de aýrýhanaǵa jetti. Alaıda sheshesi soqqyǵa jyǵylǵan óz ulyn kinálap otyr dep jazady Qamshy.kz aqparat agenttigi Eýrazııa birinshi arnasynyń deregin negizge alyp. 

Bútin Eńbekshiqazaq aýdanynyń mamandaryn aıaǵynan tik turǵyzǵan bul búldirshin úıinen 30 maýsymda qashyp ketken. Joldan taksı ustap, jurttan meni qutqaryńdar dep jalbarynǵanǵa uqsaıdy. Denesindegi temir izderinen adam shoshıdy. "Ákemnen taıaq jedim, eki kúnniń birinde anamdy da soqqynyń astynda alady. Ol shydamaı úıden ketti" depti. Taýyp alǵan kisiler birden polıseılerge habarlap, aýrýhanaǵa jetkizgen. 

«Jańaǵydaı dene jaraqaty deıdi. Denesinde ǵana iz bar. Arqasynda, jambasynda, aıaǵynda, qolynda, aıaǵynyń tómengi jaǵynda, jambasynda bar, - deıdi Esik oblystyq ortalyq aýrýhanasy, balalar bóliminiń meńgerýshisi Venera Raısova. .

Bir kún úıine kelmegen segiz jasar balanyń sheshesi ulynyń aýrýhanada jatqanyn tek áleýmettik jeli arqyly bilgen. Alaıda, bizben tildesýge qarsylyq tanytty. Otbasylyq kıkiljińge eshkimdi aralastyrǵysy joq. Biraq dárigerlerge "taıaq jegen ulymnyń ózi kináli"  degen.  О́zderi Esiktegi saıajaıda turǵanymen, bala qaladaǵy mektepterdiń biriniń oqýshysy eken. Ondaǵy dırektor da jaýaptan qashty. Ol mektep oqýshysy týraly eshqandaı aqparat bermeıtinin aıtty. 

 Al, Medeý aýdandyq bilim bólimindegiler, otbasyn tek jaqsy qyrynan tanyp otyr. 

«Mektepke tap-tuınaqtaı bop keletin. Sabaq úlgerimi de óte jaqsy. Klass jetekshisiniń nemese mektep ákimshiliginiń tarapynan dál osy otbasyna eshqandaı shaǵymdar túspegen, - dedi Medeý aýdanynyń bilim bóliminiń bas mamany Aıtkúl Kemelova. 
Qazir bul is boıynsha polısııa qyzmetkerleri qylmystyq is qozǵaǵan. 

–Qazirgi ýaqytta bul derekkke qatysty QR Qylmystyq kodeksiniń 140-babyna sáıkesǵ tergeý amaldary júrgizilip otyr. Aıta ketý kerek, balaǵa dene jaraqatyn saldy degen kúdikke týǵan ákesi ilindi», - dep pikir bildirdi Almaty oblystyq polısııa departamentiniń resmı ókili Serik Úpıev. . 

Qazir jetkinshekpen psıhologtar jumys istep jatyr. Bala qatty qorqyp qalǵanyn aıtty. Al, bilim bólimindegiler "ákesin ákelik quqyqtan aıyrǵanymyzben, bala anasynyń qasynda qala beredi" deıdi. Biraq, otbasylyq kıkiljińge teńep, 8 jastaǵy balanyń quqyǵyn sheshesi qanshalyqty qorǵap otyrǵanyn da polıseıler tekseretin bolady. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir