• USD 378.65
  • EUR 430.07
  • RUB 6
  • CNY 55.1
26 Tamyz, 16:05:11
Nyǵmatýlın Parlamenttiń qos palatasyn birlesken otyrysqa shaqyrdy

02 Shilde, 2019 NEWS

Nurlan Noǵaev:"Teńizdegi" qazirgi jumys jaǵdaıy jumysshylardyń kópshiligin qanaǵattandyrmaıdy

Atyraý oblysynyń ákimi Teńiz vahtalyq qalashyǵyndaǵy oqıǵaǵa baılanysty jınalys ótkizdi

Atyraý oblysynyń ákimi Nurlan Noǵaev iri munaı kompanııalary men olardyń merdigerlerimen jınalys ótkizdi dep habarlaıdy Qamshy.kz aqparat agenttigi Atyraý oblysy ákiminiń baspasóz qyzmetine silteme jasap.
 
Atyraý oblysynyń  ákimi Teńiz vahtalyq qalashyǵyndaǵy oqıǵa eńbek jaǵdaıynyń barlyǵyna birdeı bolmaǵanynyń saldarynan týyndaǵanyn, sondyqtan TShO men merdiger mekemeler jaǵdaıdy túbegeıli ózgertýge kúsh salýlary kerek ekenin atap ótti.
 
"Eńbekaqy aıyrmashylyǵy týraly shaǵym kóp. Jalaqy, jumysshylardy ústeme jumystarǵa tartqany úshin tólenetin aqylardyń ýaqyttary keshiktiriledi. Mereke, demalys kúnderi istegen jumystar úshin paıdalanylmaǵan kúnderge ótemaqy tóleý ýaqyty buzylady. Jumys kúni kestesin ózderi belgileıtin derekter bar. Teńiz jobasynda merdiger mekemelerdiń biriniń basshysy  kún saıynǵy jumys kúnin óz betimen 4 saǵatqa kóbeıtken, ujymnyń narazylyǵy men eńbek ınspeksııasyna shaǵymdanýynan keıin jaǵdaı qalypqa keldi. Kópshiligi jumys berýshiniń zańsyz áreketin, eńbek kodeksiniń talabyna sáıkessizdikti ashyp aıtýǵa qorqady. Jumys berýshi qandaıda bolmasyn sebep taýyp,  jumystan shyǵaryp jiberetinin aıtyp qorqytady. Mundaı derekter bar",- dedi Nurlan Noǵaev.
 
Kúzet fırmasynyń ókilderi nysandarda qaýipsizdik pen tártipti saqtaý boıynsha tikeleı qyzmettik  mindettemelerin oryndaýdyń ornyna jumysshylardy qorqytýmen aınalysqan derekter  bar. Shaǵym aıtqan jumysshydan qutylýdyń túrli quıtyrqy áreketterin jasaǵan faktiler de bar. Bul árıne adamdy ashyndyratyn, tipti daý-janjalǵa ákeletin jaǵdaı. Sizderdiń mindetterińiz osyndaı jaǵdaılardyń aldyn alý.
 
Oblys ákimi qazirgi eńbek jaǵdaıy merdiger mekemelerdegi  jumysshylardyń kópshiligin qanaǵattandyrmaıtynyn atap ótti.
 
"Shaǵym óte kóp, qurmetti jumys berýshiler, buryn bul jaǵdaı qalypty bolyp kelse, endi ózgertetin ýaqyt jetti. Memleket basshysynyń birdeı jumys isteıtin mamandardyń azamattyǵyna qaramaı bir mólsherde laıyqty eńbekaqy tóleý jóninde tapsyrmasy bar. Iá, belgili bir qyzmettik ıerarhııaǵa kelisemin, barlyǵyn teńestirýge bolmaıdy, biraq ádildik bolýy tıis. Bir ujymda birdeı jumys istegen eki adamnyń biri 300 dollar, ekinshisi 3000 dollar almaýy kerek, adamdar kórip otyr. Kópshiligi muny istegen jumystary men kórsetken qyzmetterine adal aqy almaýlarymen baılanystyrady. Tapsyrys berýshiler, TShO, NSOS nemese basqa iri kompanııalar bolsyn óz taraptarynan eńbekaqyny ádil tólep otyrǵandaryn aıtady,biraq sońynda báribir belgili bolyp qalady. Jumysshynyń qolyna eń sońynda shamaly tıyn-teben túsedi, sosyn ol ózimen birdeı jumys istegen shet  el azamatynyń eńbekaqysyn kórip, men nege zardap shegýim kerek degen saýal qoıady",- dedi ákim.
 
Nurlan Noǵaev jergilikti atqarýshy organdar barlyq eńbekaqyny kóterýge mindettemeıtinin, kompanııalardyń óndiristik mindettemelerin sheshpeıtinin atap ótti.
 
"Men sizderdiń aldaryńyzǵa Eńbek kodeksiniń, elimizdegi barlyq zańdardyń, sonyń ishinde kóshi-qon zańnamasynyń buzylýyna jol bermeý mindetin qoıamyn. Adal, qolaıly jaǵdaı barlyq jumysshylarǵa jasalýy kerek. Biz óz tarapymyzdan sizderdiń bastamalaryńyzdy kútip otyrmaımyz, jumys isteımiz, eger jaǵdaıdy óz erikterińizben ózgertkilerińiz kelmese, zańǵa sáıkes áreket etýge kúshimiz jetedi. Oblys ákiminiń birinshi orynbasary jetekshilik etetin vedomstvoaralyq komıssııa barlyq máselelerdi qarap, olardyń sheshilýin baqylaýda ustaıdy.",- dedi jınalǵandarǵa aımaq basshysy.
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir