Nurlan Noǵaev TShO basshylyǵyna: Eńbek jaǵdaılary bárine birdeı bolýy kerek

Atyraý oblysy ákimi Nurlan Noǵaev "Teńiz" vahtalyq qalashyǵyna baryp, TShO basshylyǵymen jınalys ótkizdi. Sonymen qatar, "Consolidated Contracting Engineering & Procurement S.A.L. Offshore (CSER)" kompanııasynyń jumysshylarymen kezdesti,-dep habarlaıdy Atyraý oblysy ákiminiń baspasóz qyzmeti.

 

Kezdesýge 30-dan astam adam jeńil dene jaraqatyn alǵan turmystyq kıkiljiń sebep boldy. Oqıǵany tekserýmen jáne ken ornynda eńbekti uıymdastyrý máselelerin zertteýmen vedomstvoaralyq komıssııa aınalysady. Komıssııa jumysyn Atyraý oblysy ákiminiń birinshi orynbasary basqarady.

 

-Bul problema eńbek jaǵdaılarynyń ár túrli bolýynan týyndap otyr, TShO men merdiger mekemelerdiń basshylyqtary máseleni júıeli túrde sheshýleri kerek. Biz óz tarapymyzdan barlyq qoldaýdy kórsetemiz. Investorlar túsinýleri tıis- bizdiń elimizdiń aýmaǵynda jumys isteı otyryp, zańnamany jáne eshkimniń ar-namysyna tımeıtin, moraldyq-etıkalyq normalardy saqtaýlary qajet. Jaqyn arada jobanyń barlyq qatysýshylarymen kezdesý ótkizemiz, barlyq kompanııalardyń birinshi basshylary shaqyrylady, osy máseleni sheshemiz. Bastysy, eńbek jaǵdaılary bárine birdeı bolýy kerek,-dep atap ótti Nurlan Noǵaev.

 

"Teńizshevroıl" JShS bas dırektory Imer Bonner óz kezeginde kompanııa jaǵdaıdy retteýge  jáne bolashaqta osyndaı turmystyq kıkiljińderdiń aldyn alýǵa

bar kúshin salatynyna sendirdi.

 

-Biz jergilikti atqarýshy jáne quqyq qorǵaý organdaryna jaǵdaıdy tez retteýge kómekteskenderi úshin razymyz.  SSER kompanııasyna,  basqa da merdiger mekemelerge qatysty jumystardy júrgizemiz,-dedi Imer Bonner.

 

Jınalystan keıin oblys ákimi  Consolidated Contracting Engineering & Procurement S.A.L. Offshore (CSER) kompanııasynyń jumysshylarymen kezdesti. Kezdesý barysynda kompanııa qyzmetkerleri ákimnen jáne TShO basshylyǵynan joba jumysyn toqtatpaýdy, adamdardyń qyzmettik mindettemelerin oryndaýǵa kirise berýlerin surady.

 

-Biz vedomstvoaralyq komıssııa qurdyq, oǵan oblys ákiminiń birinshi orynbasary jetekshilik etedi. Komıssııa birdeı eńbek jaǵdaıyn qamtamasyz etý máselesimen aınalysady. Sizder komıssııa quramyna óz ókilderińizdi qosa alasyzdar, áriptesterim telefon nómirlerin qaldyrady, jaǵdaıdy jaqsartý boıynsha usynystaryńyzdy berińizder. Sizderdiń jumys kestelerińizde eshqandaı ózgeris bolmaıdy, jumys qalypty rejımde jalǵasady,-dedi Nurlan Noǵaev.