19 Maýsym, 2019 Atyraý oblysy
Atyraýda alǵash ret ótken parabıden (arbadaǵy bı) el birinshiligine elimizdiń túkpir-túkpirinen 26 jup qatysyp, “Atyraý” dene shynyqtyrý kesheninde óner kórsetti. Sóıtip, dúıim jurttyń aldynda múmkindikteri shekteýli bolǵanymen, qulshynystary sheksiz ekenin taǵy bir ret dáleldegendeı boldy. 
Rasymen de, bı – qamkóńil jandar úshin taptyrmas múmkindik. Sol bı arqyly olar kópshilik nazaryn ózderine aýdartyp, qoǵamǵa qajet ekendikterin, ár qadam saıyn kezdesetin qyzyqtar men qıyndyqtardy barynsha jetkize aldy. 
Sondaı-aq, chempıonat aıasynda halyqaralyq bı sporty boıynsha «EvrAzııa-2019» týrnıri uıymdastyryldy. Osy oraıda, qos sharany da «Aelıta» bı klýby ótkizip otyrǵanyn aıta ketken jón.
Jarys qorytyndysymen túrli nomınasııalar óz jeńimpazdaryn tapty. Olarǵa arnaıy dıplomdar men estelik syılyqtar tabystaldy.
– Ár túrli óńirlerde osyndaı jarys ótkizý arqyly erekshke qajettilikteri bar adamdardy ońaltýǵa bolady. Bul QR Tuńǵysh Prezıdentiniń kedergisiz orta qurý týraly tapsyrmasynyń monıtorıngi bolyp tabylady. Halyqaralyq týrnırge qatysý úshin eń jaqsy parasportshylar iriktelinip alyndy. Múmkindigi shekteýli jandardy ońaltýǵa kóp kóńil bólý kerek. Oblystyq jáne qalalyq deńgeıde sporttyq bıdi damytý qajet. Osyndaı jarysty ótkizý munaıly astanamyzdyń tarıhynda mańyzdy is-shara bolatynyna senim mol. Bul jergilikti mádenıet salasy men sporttyq bıdiń damýyna oń áser etpek, – deıdi uıymdastyrýshylar. 
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir