• USD 378.65
  • EUR 430.07
  • RUB 6
  • CNY 55.1
22 Tamyz, 15:55:44
Senim údesinen shyqqan bank

18 Maýsym, 2019 Saıasat

Arystanbek Muhamedıulynyń "ańdamaı aıtqan" sózderi hám "atyshýly" áreketteri (vıdeo)

Qamshy.kz aqparat agenttigi oqyrmandaryna Muhamedıulynyń ázilge aınalǵan sózderi men "ápendi" áreketterin usynady.

Keshe, ıaǵnı, 17 maýsymda Qazaqastan prezıdenti Qasym-Jomart Toqaevtyń jarlyǵymen Arystanbek Muhamedıuly basqa jumysqa aýysýyna baılanysty QR Mádenıet jáne sport mınıstri qyzmetinen bosatyldy. Ázirge onyń qandaı qandaı qyzmetke kiriskeni belgisiz. Bizge belgilisi - endi Mádenıet jáne sport mınıstrligin Aqtoty Raıymqulova basqaratyndyǵy. Ol buǵan deıin Arystanbek Muhamedıulynyń orynbasary bolǵan.

Orynbasaryna ornyn bosatyp bergen Muhamedıuly atalǵan mınıstrlikti bes jyl basqardy. Naqtyraq aıtsaq, ol 2014 jyldyń 13-naýryzynda Qazaqstannyń sol kezdegi prezıdenti Nursultan Nazarbaevtyń jarlyǵymen eldegi mádenıet mınıstri bolyp taǵaıyndalsa, 2014 jyldyń tamyz aıynda Muhamedıuly basqaratyn mınıstrliktiń aýqymy keńeıip, atqaratyn jumysy kóbeıdi. Sol sátten bastap Arystanbek Muhamedıuly mádenıet jáne sport mınıstri boldy.

Bes jyl boıy bir memlekettiń mádenıeti men sportyna jaýapty birinshi adam bolǵan Arystanbek Muhamedıuly osy aralyqta kópshilkke keńinen tanyldy. Onyń ańdamaı aıtqan sózderi ázil-qaljyńǵa aınalyp, bılik ókilderniń jıynynda áriptesterin  kúlkige qaryq qylsa, "alańǵasyrlyqpen" istegen is-árketterin kópshilik qaýym qatal syńǵa alyp, keleketen kezderi de bolǵan. Qamshy.kz aqparat agenttigi oqyrmandaryna Muhamedıulynyń ázilge aınalǵan sózderi men "ápendi" áreketterin usynady.

Mınıstrge ánuran áýeninen mańyzdyraq bolǵan telefon qońyraýy

2014 jylydyń kúzi. Almatyda aýyr atletıkadan álem chempıonaty ótip jatty. Qazaqstandyq atlet Ilıa Ilın 105 kg salmaqta altyn medal aldy. Júlde alǵan sportshylardy marapattaý sáti. Ilıa Ilınnniń qurmetine Qazaqstannyń týy kóterilip, sportshy tuǵyrda Ánuran aıtyp tur. Jarys ótip jatqan "Balýan Sholaq"  sport saraıyna jınalǵan kúlli qazaqstandyqtar kózderine jas kelip ánurandy shyrqaı bastaǵanda Muhamedıuly tuǵyrda turǵan Ilınniń qolyna telefon berip, tutqany qulaǵyna taqaı berdi. Keıinnen mınıstrdiń bul árketine ashýlanǵan jeli qoldanýshylary ony synnyń astyna alyp, jaǵymsyz pikirler jazdy.

Muhamedıuly keıin jýrnalısterge bergen bir suhbatynda atalǵan jaǵdaıǵa baılanysty :«Ilıa Ilın álem birinshiligin jeńgen kezde biz óte qatty qýandyq. Sondaı sátterde árbir adam qatty tolǵanysta bolady. Jarys bastalǵan kezde biz Ilıaǵa eger ol jeńiske jetse, ony Memleket basshysy jeke quttyqtaıtynyn aıttyq. Ilıa jeńisten soń, birden Prezıdentpen qosýyn ótindi», - degen bolatyn.

Qumar oıyn qazynany qaryq qylady

2015 jyly Muhamedıuly májiliste halyqty jappaı lotoreıa oınaýǵa shaqyrdy. Ol ózi basqaratyn mınıstrlik janynan ortalyq ashyp, lotoreıa naryǵyn jeke qadaǵalamaq boldy. Ol bul birinshiden qazynaǵa qyrýar qarjy ákeldi dep eseptedi. Biraq májilis mınıstrdiń bul usynysyn maquldaǵan joq. 

Mınıstr, akter hám qyzdar

2016 jyly mádenıet mınıstriniń eń atyshýly oqıǵasy bastaldy. Arty akterlardyń sotty bolýymen aıaqtalǵan bul oqıǵa qazaqstandyq rejısser Talǵat Jánibekovtyń vıdeomálimdemesinen bastaldy. Vıdeoda rejısser "Fenıks" atty fantastıkalyq trıllerdi ýaqytyly aıaqtaı almaıtynyn aıtqan. Ǵaryshkerler kúnine túsirilip bitýi tıis fılmniń turalap qalǵanyna rejısser mınıstrdiń para suraǵanyn sebep etip, ashyq kinálady.

"Biz "Fenıks" fılmin Ǵaryshkerler kúnine jaqyn aıaqtaımyz dep josparlaǵan bolatynbyz. Alaıda Mádenıet jáne sport mınıstri Arystanbek Muhamedıuly bolǵaly beri bar josparymyz iske aspaı qaldy. Jańa basshylyq bizdiń kartınany zańsyz qysyp tastady. Endi biz ári qaraı jyljı alar emespiz", -dedi ol.

Bul jaǵdaıǵa baılanysty is sotqa deıin baryp, Arystanbek Muhamedıuly rejısserdi ákimshilik jaýapqa tartqyzdy. Alaıda halyq arasynda úlken talqyǵa tap bolǵan vıdeonyń shýy shıelenise tústi. Bul jaǵdaıǵa tanymal akter Tuńǵyshbaı Jamanqulovtyń qatysy bary aıtyla bastady.

Aldymen  ıneternetke Eńlik Sydyqova esimdi boıjetkenniń vıdeosy shyqqan bolatyn. Muhamedıulyna qarsy bul vıdeoda Eńlik mınıstrdiń QazUО́Ý rektory bolyp turǵan kezinde ózine tıiskenin aıtady. Qyzǵa jaqyndamaq bolǵan áreketimen qosa, mınıstr sol kezde ózi basqarǵan ýnıversıtetke túsý úshin, Eńlikten 3 myń dollar kóleminde qarjy talap etken kórinedi.

«Men hat jazdym. Sosyn menimen Janar Ahmet baılanysyp, meniń oqıǵam birinshi jáne sońǵy emestigin aıtty. . . Men bul mınıstrden zardap shekken qyzdardyń barlyǵy óz oqıǵalaryn osylaı jarııalaı bastaǵanyn qalaımyn. Ony (Arystanbek Muhamedıuly – red.) qyzmetten bosatsa deımin. Ol mınıstr bolýǵa laıyqsyz, onyń ústine mádenıet mınıstrligine»,- dedi Eńlik.

 

Bul daý kezinde de teatr jáne kıno aktery Tuńǵyshbaı Jamanqulov shette qalmady. Muhamedıulynyń mundaı ádeti baryn málimdep, Sydyqovanyń vıdeosyndaǵy aıtylǵan sózdiń bárine kelisetindigin aıtty.

Syzdyqovanyń sózin rastaǵan tanymal akter Arystanbek Muhamedıulynyń "qaharyna" ilikti. Mınıstrdiń qaharynan qaımyqqan Jamanqulov arasha surap Qazaqstannyń sol kezdegi prezıdenti Nazarbaeqa vıdeoúndeý joldady. 

Biraq prezıdent akterge arasha bola almady. Arystanbek Muhamedıuly basqaratyn mınıstrlik aqyry dittegen maqsattaryna jetip, "Fenıks" fılmine qatysy Tuǵyshbaı Jamanqulov bastaǵan on shaqty adam shartty túrde sottaldy. Sottalǵandarǵa aıyppul salyndy.

"Fenıks" fılmi men Syzdyqovanyń daýynan qutylǵan Muhamedıulyna odan keıin de qyzdardyń aryzy tolastaǵan joq. "Arystanbek Muhamedıuly janystyq qatynasqa eriksiz tartýǵa tyrysty" dep vıdeo jarııalaǵan arýlar sany kóp bolsa da, mınıstrdiń qyzdar aıtqan bul áreketi zańmen dáleldenbedi.

"It taǵdyryna alańdaǵan Arystan"

2018 jyldyń 28-tamyzynda  Jora Morozov esimdi feısbýk qoldanýshysy óziniń paraqshasynda qazaqtyń tazysyn qorlap jatyr degen jazba jarııalaǵan bolatyn. 

tazy ıt

Tazylar týraly jazbany túnde oqyǵan mınıstr birden iske kirisken. Ol feısbýk paraqshasynda: "Dostarym, búgin túnde maǵan «Etnoaýyl» ulttyq-mádenı ortalyǵy aýmaǵynda («Qazanat» ıppodromy) eki tazynyń jaǵdaıy týraly silteme keldi. Tańnan bastap jaǵdaıdy anyqtaýǵa kiristim.

Mekeme balansynda birde-bir ıt joq. Itter turǵan qamaýlar «Etnoaýyl» aımaǵyndaǵy sharalarǵa qatysatyn syrttan ákeletin janýarlarǵa arnalǵan. Eki ıttiń de ıesi - Bekbolat esimdi jeke tulǵa, olardy Pavlodardan ákelipti. Onyń aıtýynsha, biraz ýaqyt buryn eki ıt qorshaýdan joǵalyp ketip, 10 kún izdestirýden keıin óte nashar jaǵdaıda qaıtarylypty. Itter joǵalǵany týraly polısııaǵa bergen aryzy bar.

Meniń nusqaýymmen eki ıtti de Astananyń veterınarlyq klınıkasyna aparyp, sol jerde tolyq medısınalyq zertteýden ótip, qajet em qabyldaıtyn bolady. Veterınarlardyń qorytyndysy boıynsha, janýarlardyń jaǵdaıy qanaǵattanarlyq: tazy standartqa sáıkes aryq bolýy kerek. Biz ıtterdi istiń mán-jaıyn anyqtaǵansha sol jerde qaldyrýdy sheshtik.

 

tazy ıt

Ishki qyzmettik tekserý bastaldy. Kináliler mindetti túrde jazalanatyn bolady. Itterdiń qojaıynymen kelisimshartty buzý týraly jáne Jora Morozovtyń operasııaǵa jumsalǵan qarjysyn ustap qalý týraly sheshim qabyldandy.

Post avtoryna janýarǵa degen meıirimi men adamgershiligi úshin alǵys bildiremin. Janýarlarǵa mundaı qarym-qatynasqa jol bermeýimiz kerek. Biraq ıtterdiń ıesi ber ekenin eskerip, onyń jekemenshigin tartyp ala almaımyz. Qajet bolsa, quqyq qorǵaý uıymdaryna júginemiz. Eger qojaıynynan ıtterdi alatyn bolsa, «Etnoaýyl» olardy óz sapyna qabyldap, qaýipsiz jáne jaıly ómir súrýlerine jaǵdaı jasaýǵa daıyn", - dep jazdy Muhamedıuly.

Jeli qoldanýshylary jeti qazynanyń biri sanalatyn tazylardyń taǵdyryna arasha túsken mınıstrdiń árketine rıza bolyp "It taǵdyryna alańdaǵan Arystan" degen ázil pikirler jazdy.

Arystanbek aıtqan

"Ańdamaı sóılegen aýyrmaı óledi" demekshi aıtam dep aıtpaǵan nemese aıtar oıyn basqasha jetkizgen Muhamedıulynyń basy daýǵa qalǵan kezder de bolǵan. Sol sózderiniń  birsypyrasyn tyńdaı otyryńyzdar, tómendegi vıdeodan.

Jigitke jeti óner de az 

О́ziniń eńbek jolyn 1984 jyly Jambyl atyndaǵy Qazaq memlekettik fılarmonııasynyń memlekettik sımfonııalyq orkestriniń artisi bolyp bastaǵan Arystanbek Muhamedıuly mınıstr kezinde  án de saldy, túrli aspaptarda da oınady. Ásirese, onyń 2018 jyldyń shildesinde Qazaqstanda alǵash ret ótken "Ulttyq dombyra kúni" qarsańynda orkestrmen kúı oryndaýy kópshilitiń esinde erekshe qaldy.

Odan bólek, Youtube jelisinde Arystanbek Muhamedıuly mýzykalyq aspappen shet tilinde án aıtyp otyrǵan vıdeolary da bar.

 

 

 

 

 

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir