17 Maýsym, 2019 Aıtty-eı, baýyryń!
"Áı, Marǵulan, Marǵulan!"
Baqytjan Qosbarmaqov qoǵam belsendisi Marǵulan Seısembaıdyń Qoǵamdyq senim jónindegi ulttyq keńes qurý týraly aıtqanyna pikirin bildirdi.
Facebook áleýmettik jelisinde jýrnalıst Baqytjan Qosbarmaqov qoǵam belsendisi Marǵulan Seısembaıdyń Qoǵamdyq senim jónindegi ulttyq keńes qurý týraly aıtqanyna pikirin bildirdi dep jazady Qamshy.kz aqparat agenttigi.
"Marǵulan Seısembaı Qoǵamdyq senim jónindegi ulttyq keńes týraly aıtyp jatyr. Soǵan jazǵan pikirim edi. "Oraıy kelse, oraq oryp, kezi kelse, ketpen shaýyp" degendeı, "sózimiz óter me eken" degen oımen amal joq, aqyn bolyp ketýge týra keldi", - dep jazǵan Qosbarmaqov pikirin óleńmen jetkizipti.
"Áı, Marǵulan, Marǵulan!
Narkeskendeı nar qulan,
El bastaıtyn er qulan,
Kekshil basty ker qulan!
Aıtqan sózge kónbediń,
О́zińdikin "jón" dediń.
Keńes pe edi sengeniń?!
Ol - buǵalyqqa kóngeniń!
Áı, Marǵulan, Marǵulan!
Keregede ker jylan,
Dódegede or jylan,
Saǵana boıy - sary jylan,
Bosaǵada boz jylan,
Qosobada qyryq jylan,
Irgede jatyr júz jylan.
Tórde jatyr sur jylan,
Bárinen de sum jylan,
Qaýiptisi - sol jylan,
Mańdaıǵa bitken sor jylan.
Sol jylandardyń ordasyna barǵanyń -
Has bálege qalǵanyń,
Halqyńdy otqa salǵanyń.
Ańǵaldyqpen barsańyz -
Shaınaýda keter barmaǵyń.
Aıarlyqpen barsańyz,
Aıardyń tilin alsańyz -
Qaharyna ushyraısyń Allanyń,
Áshkere bolar jalǵanyń.
Er kezegi - bir ret,
Tek qapııada qalmaǵyn,
Sózimniń bilgeı salmaǵyn.
Aıtpady deseń - maǵan sert!
"Qaıtpadym" deseń - saǵan sert!
Jol tappaı el sandaldy,
Jylpostarǵa aldandy,
Satqyndyq degen - jaman dert", - dedi Baqytjan Qosbarmaqov
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir