17 Maýsym, 2019 Oqıǵalar
"Qazaqfılm" ataqty aqyn ómiri týraly kınonyń túsirilimin bastady
Aqyn ómiri. Perishte kóńil. Mahabbatqa toly júrek.
tengrinews.kz
"Qazaqfılm" kınostýdııasy ataqty qazaq aqyny Muqaǵalı Maqataev týraly kınonyń túsirilim jumystaryn bastady. Bul fılmniń rejısseri – tanymal kınotanýshy Bolat Qalymbetov dep habarlaıdy Qamshy.kz aqparat agenttigi Tengrinews.kz saıtyna silteme jasap.
- "Kınokartına QR Mádenıet jáne sport mınıstrliginiń arnaıy tapsyrysymen Sháken Aımanov atyndaǵy "Qazaqfılm" AQ stýdııasynda túsirilmek. Bul fılm tolyqtaı aqyn týraly bolmaýy múmkin. Biraq adam taǵdyry týrasynda ekeni anyq", - dedi Qalymbetov.
Túsirilim prosesi О́skemen qalasynda bastaldy. Ári qaraı komanda Sankt-Peterbýrg qalasyna barmaq. Sodan keıin Almatyǵa oralady.
Rejısserdiń aıtýynsha, bul kınokartına Muqaǵalı Maqataevtyń ómiriniń sońǵy jyldary týraly aıtady. Fılm QazSSR Jazýshylar Odaǵynyń aqyn taǵdyryn sheshetin jınalysynan bastalady. Maqataev sol jerde jınalys sheshimin kútpeı, múshelik bıletin tastap ketedi.
Ssenarıı avtorlary – Júsipbek Qorǵasbek, Bolat Qalymbetov jáne Ǵazız Nasyrov. Qoıýshy operatory – Edige Nesipbekov. Fılm prodıýseri – Almat Masalım.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir