Bas prokýratýra Nur-Sultan men Almatyda bolǵan mıtıngterge baılanysty málimdeme jasady

Bas prokýratýra elimizde zańsyz jarııa aksııalarǵa jol berilmeıtindigi týraly birneshe ret eskertken bolatyn dep habarlaıdy Qamshy.kz aqparat agenttigi vedomstvonyń saıtyna silteme jasap. 

“Jekelegen adamdar zańdy talaptarǵa baǵynbaı, polısııa qyzmetkerlerin arandatyp, olarǵa shabýyl jasady. Júrginshilerdiń, áıelder men balalardyń ómiri men densaýlyǵyna qaýip tóndirdi. Osyǵan baılanysty, quqyq qorǵaý organdary qoǵamdyq tynyshtyqty saqtaýǵa jáne azamattardy qorǵaýǵa baǵyttalǵan sharalar qabyldady”, - delingen Bas prokýratýra saıtynda. 

Bul rette arnaıy quraldar qoldanylǵan joq. 

Quqyq buzýshylar polısııaǵa jetkizilip, sot tártibinde ákimshilik jaýaptylyqqa tartyldy. 

Zańsyz aksııalarǵa jáne tyıym salynǵan uıymdardyń qyzmetine qatysý Qazaqstan Respýblıkasy Ákimshilik quqyq buzýshylyq týraly kodeksiniń 488-babyna, Qylmystyq kodeksiniń 400 jáne 405-baptaryna sáıkes jaýaptylyqqa ákep soǵatynyn túsindiremiz.  

Quqyq qorǵaý organdary budan ári de osyndaı buzýshylyqtarǵa jol bermeıtin jáne olardy boldyrmaý úshin zańmen kózdelgen sharalardy qabyldaıtyn bolady. 

Daıyndaǵan: Ildar Adılchenov