Polısııa ókilderi mıtıngke qatysty rastalǵan birqatar faktilerdi resmı málimdedi

Qazirgi ýaqytta atalǵan oqıǵa boıynsha quqyq qorǵaý organdary tarapynan tolyq quqyqtyq baǵa berilgen joq. Bul rette ınsınýasııany boldyrmaý úshin jáne halyqqa durys habar berý maqsatynda polısııa ókilderi rastalǵan birqatar faktilerdi málimdep otyr dep habarlaıdy Qamshy.kz aqparat agenttigi. 

Atalǵan quqyq buzýshylyqqa qatysýshylardy polısııa ustaǵan.

Birinshiden. 10 maýsym kúni keshki saǵat 18.00-de «Alǵabas» yqshamaýdanynda «Alataý» teatrynyń aldynda R. Zaıytovtyń shaqyrýymen ruqsat etilmegen mıtıng ótkizý úshin bir top adam jınaldy. Mıtıng uıymdastyrmaý týraly habarlamaǵa qulaq aspaǵan olar, polısııaǵa qarsylyq kórsetip, artynsha ustaldy.

Onyń ústine, olardyń keıbireýleri Almaty Arena aýdanyndaǵy joldy jaýyp tastady. R.Zaıytovpen áńgimelesý júrgizilgennen keıin ol bosatyldy. Alaıda osy aralyqta Almaty qalasy polısııa departamentiniń («Selınnyı» ǵımaraty) aldynda oǵan qoldaý kórsetý úshin bir top adam jınaldy. Úıinen qaıtyp oralǵan R.Zaıytov jınalǵan qaýymdy eshqandaı zańsyz is-sharalarǵa qatyspaýǵa jáne arandatýshylyq jasamaý jóninde ótinish bildirdi.
Jınalǵandar birneshe topqa bólinip, qala boıynsha taraıdy. Biraq aralaryndaǵy bireýi jeke avtokóligine otyryp, Tóle bı jáne Abaı kóshelerindegi qozǵalysty shekteıdi. Budan ózge úsh-tórt avtokólik birigip, kolonna uıymdastyryp, aqyryn jyldamdyqpen qozǵaldy. Túrli dybys sıgnaldaryn paıdalanǵan olar sol jerdegi basqa kólikterdiń qalypty qozǵalysyna kedergi keltirdi. Sol sátte bir top adamdar kólik júretin joldyń  boıyna shyǵyp, apatty jaǵdaı týǵyzady. Bul adamdar da ózderin dóreki ustap, qatty aıqaılap, ysqyryp, qoǵamdyq tártipti buzdy. Zańsyz áreketke barǵandar  qandaı da bir talap, shart qoıǵan emes.

Ekinshiden. Zańsyz aksııalardyń qatysýshylary birneshe qylmystyq áreketke de bardy. Máselen, túngi birler shamasynda Tóle bı dańǵyly men О́tegen batyr kóshesiniń qıylysynda "Saıran" avtovokzalyna qarama-qarsy jaqta zańsyz aksııaǵa qatysýshy bir kólik jol-kólik qozǵalysyn retteýmen aınalysyp júrgen jol-patrýldik polısııa qyzmetkerin qaǵyp ketti. Dárigerlerdiń aıtýynsha, onyń oń jaq jilinshigi yǵysyp, jambas-bers súıeginde  jabyq syný bar.

Júrgizýshi qylmys ornynan boı tasalaǵanymen, kóp uzamaı QR Qylmystyq kodeksiniń 345-babynda kórsetilgen qylmys belgileri boıynsha ustaldy. Almaty qalasynyń Alataý aýdanynda keshki ýaqytta bir top adam mas kúıinde polısııa avtokóligine zaqym keltirgen. Olar mashınany syndyryp, ony tastarmen laqtyrdy. Tártip buzýshylar ustaldy. Bul fakt QR Qylmystyq kodeksiniń 293 baby boıynsha sotqa deıingi tergeýdiń biryńǵaı tiziliminde tirkelgen.

Úshinshiden. Atalǵan quqyq buzýshylyqtar boıynsha keshki jáne túngi ýaqytta koll-ortalyǵyna qalalyqtardan 1250 ótinish kelip tústi. Onyń 70 paıyzy túngi oqıǵalar. Turǵyndar túngi ýaqyttaǵy aıqaı-shýdan qoryqqan. Al júrgizýshiler jol qozǵalysy erejelerin óreskel buzǵandarǵa narazy boldy. Polısııa organdary zańsyz is-áreketterdiń jolyn kesý boıynsha tıisti sharalar qabyldady. Quqyq buzýshylar ustaldy.

Qazirgi ýaqytta Almatydaǵy jaǵdaı tolyǵymen baqylaýǵa alyndy. Kóliktiń jáne barlyq qyzmetterdiń qalypty jumys isteýi qamtamasyz etildi. Kóshelerde qaýipsizdikti qamtamasyz etý boıynsha barlyq sharalar qabyldandy. Polısııa qoǵamdyq tártipti buzýǵa jol bermeıtinin, kez-kelgen quqyqqa qarsy áreketterge, azamattardyń ómiri men qaýipsizdigine qater tóndirýge jol bermeıtinin málimdeıdi.

Qosymsha málimetter aqparattyń naqtylanýyna qaraı BAQ-ta habarlanatyn bolady.