• USD 383.43
  • EUR 429.83
  • RUB 5.96
  • CNY 55.39

10 Maýsym, 2019 Atyraý oblysy

«Jasyl el» iske kiristi

Atyraý oblysynda «Jasyl el» jasaǵynyń 600-den astam múshesi eńbek maýsymyna kiristi.
«Jasyl el» eńbek jasaǵynyń basshysy Abylaı Qurmetulynyń aıtýynsha, oblys boıynsha 652 belsendi jas jazǵy kanıkýldaryn qur ótkizbeı, eńbektenýge tilek bildirdi.
​Osy jyly jobaǵa 16 men 29 jas aralyǵyndaǵy 2200 adamdy tartý josparlanyp otyr. Olardyń myń jarymnan astamy – aýyl turǵyndary.
​Qazirgi kezde jastar eldi mekenderdi abattandyrý, kógaldandyrý, jasyl jelekterge kútim jasaý jumystarymen shuǵyldanýda, qurylys jumystarynda, basqa da salalarda qyzmet etýde.jasyl el
​Atyraý qalasynda jasaqtyń músheleri Balyqshyda, Almagúl yqshamaýdanynda, Vokzal mańy aýmaǵyndaǵy Arbatta, retroparkte jumys jasap jatyr. Sondaı-aq, Avangard yqshamaýdanyndaǵy turǵyn úı qurylysyna atsalysýda.
- Jeti adam turǵyn úı salýǵa kómektesýde. Bul stýdentter men joǵary klass oqýshylaryna jazǵy kanıkýl kezinde tabys tabýǵa jaqsy múmkindik beredi. Olardyń qoldaryna taza alatyn aılyq jalaqylary 48 myń teńge. Alaıda, qurylysta jáne retroparkte jumys istep jatqandar buǵan qosymsha 10 myń teńge alady, ony jumys berýshiler tóleıdi,- dep habarlady A.Qurmetuly.
​Eske sala keteıik- jaz mezgilinde tabys taýyp, ári qoǵamǵa paıda tıgizem deıtinder bolsa, olar jastar resýrstyq ortalyqtaryna habarlasa alady. Bundaı ortalyqtar ár aýdanda bar, al, Atyraý qalasyndaǵy mekenjaıy: «Nursaıa» yqshamaýdany, 28 úı.jasyl el

Qate tapsańyz, qajetti bólikti tańdap ctrl+enter basyńyz.

Pikir qaldyrý

0 pikir