• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 04:04:00
Qazaqstan Ýkraınanyń saýda naryǵyna alańdaýly

10 Maýsym, 2019 Barlyq aımaqtar

Aıagúl MIRAZOVA: Toqaevtyń qyzmetine tabys tileımin

Aıagúl MIRAZOVA,

Qazaqstannyń Eńbek Eri:

Toqaevtyń qyzmetine tabys tileımin

Qazaqstan halqy elimizdiń bolashaǵy, ósip kele jatqan urpaqtardyń taǵdyry úshin óz tańdaýyn jasady.

Bul, árıne, aıaq astynan sheshile salǵan másele emes. Halyq bul qadamǵa on oılanyp, júz tolǵanyp bardy. «Memleket basyna kim keledi, eldiń erteńi qalaı bolar eken?» degen saýaldardyń bolýy da zańdylyq. Bul bir ǵana memlekettiń ishinde ǵana emes, tórtkúl dúnıe túgel kóz tigip, qulaq tosatyn tarıhı oqıǵa. Sondyqtan onyń tóńiregindegi ár túrli qańqý sóz, bos áńgimeniń bolýy da zańdylyq. Osynaý saılaý bizdiń barshamyzdyń saıası mádenıetimizdiń qalyptasa bastaǵanyn kórsetti. Saılaýǵa barar aldynda árbir azamat ózine ǵana emes, otbasyna, búkil eldiń taǵdyryna jaýap berýge daýys berip turǵanyn sezindi. Elimizdiń táýelsizdikke qol jetkizip, osynaý jyldar ishindegi tabysqa qalaı qol jetkizgenin saralap, oı eleginen ótkizip, bir sheshimge keldi dep oılaımyn.

Ońaı jolmen, ońaılyqpen eshteńege qol jetkizgen joqpyz. Osydan birneshe jyl burynǵy jaǵdaıymyz qalaı edi? Endi qandaı memleketke aınalyp otyrmyz? Bálkim, pendeshilikpen túrli pikirlerdi aıtýǵa bolar. Biraq biren-saran adamnyń bulaı oılaýy qoǵamdyq pikirdi qalyptastyrmasa kerek. Atam qazaq «Birlik bar jerde – tirlik bar» dep tekke aıtpaǵan. El ishine ádeıi iritki salyp, tynyshtyǵymyzdy alǵysy keletinder de tóbe kórsetip qalyp jatyr. Ondaı arandatýlarǵa arandap qalýǵa bolmaıdy. Osy rette Ámirjan Qosanov baýyrymyzdyń suhbatyn tyńdap, azamattyǵyna rıza boldym. Jastarǵa basý aıtyp, shet elde kofesin iship, óz otandastaryn arazdastyryp otyrǵandardyń aldaýyna túsip qalmaýǵa shaqyrdy. Eshkimdi qaralaǵan joq, eshkimdi daralaǵan joq. Sondyqtan bul saılaýdaǵy barlyq 7 kandıdattyń ózderin tulǵa etip tanytyp, azamat retinde amanat arqalaǵandary úshin ózimniń rızashylyǵymdy bildiremin.

Elbasymyz Nursultan Nazarbaev Qazaq degen el, Qazaqstan degen jer bar ekendigin dúnıe júzine tanytty, endi memleket basyna kelgen Qasym-Jomart Kemeluly Toqaevtyń qyzmetine tabys tileımin.

Elbasymyzdyń belgilep bergen tamasha baǵdarlamalaryn jalǵastyra beretinine senimim zor

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir