• USD 378.65
  • EUR 430.07
  • RUB 6
  • CNY 55.1
26 Tamyz, 05:04:45
Qoryqshylardyń materıaldyq-tehnıkalyq bazasy kúsheıtiledi

10 Maýsym, 2019 Saıasat

Toqaev Exit poll nátıjesinen keıin alǵashqy málimdemesin jasady

Búkil álemdegi sııaqty bizdiń elimizde de jaǵdaıdyń ózgergenin kórip otyrsyzdar. Álemdik qaýymdastyqtyń bir bólshegi bolǵandyqtan Qazaqstanǵa jahandyq oqıǵalardyń da yqpaly bolary sózsiz.

Qasym-Jomart Toqaev Exit Poll nátıjeleri jarııalanǵannan keıin alǵashqy málimdemesin jasady dep habarlaıdy Qamshy.kz aqparat agenttigi. Bul týraly málimet «Nur Otan» partııasynyń resmı saıtynda jarııalandy.

Saýalnama nátıjesinde Qasym-Jomart Toqaev saılaýshylardyń 70,13 paıyz daýsyn jınady. Halyqtyń saılaýǵa kelý kórsetkishi 77,4 paıyzdy qurap, 9 mıllıonnan astam qazaqstandyq óz tańdaýyn jasady.

Aldyn ala málimetter jarııalanǵannan keıin Qasym-Jomart Toqaev ózine senim bildirgen barsha otandastaryna alǵysyn bildirdi.

"Saılaýaldy naýqan órkenıetti ári júıeli túrde júrgizildi. Shyn máninde bul naýqan baǵdarlamalardyń básekesi boldy. Halyq bizge senim artyp, óz tańdaýyn jasady. Sondyqtan aldymyzda aýqymdy jumystar kútip tur", – dedi Qasym-Jomart Toqaev.

Ol úgit-nasıhat kezeńine qatysqan respýblıkalyq qoǵamdyq shtabtyń múshelerine, barlyq belsendi azamattarǵa jáne partııa jaqtastaryna atqarǵan jumystary úshin alǵysyn bildirip, elektoraldy naýqannyń aýqymy men tehnologııalyq múmkindigin atap ótti.

"Búkil álemdegi sııaqty bizdiń elimizde de jaǵdaıdyń ózgergenin kórip otyrsyzdar. Álemdik qaýymdastyqtyń bir bólshegi bolǵandyqtan Qazaqstanǵa jahandyq oqıǵalardyń da yqpaly bolary sózsiz. Sondyqtan biz elimizdiń jarqyn bolashaǵy úshin judyryqtaı jumylýymyz kerek", – dedi Q.Toqaev.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir