• USD 378.65
  • EUR 430.07
  • RUB 6
  • CNY 55.1
21 Tamyz, 22:47:49
Senim údesinen shyqqan bank

09 Maýsym, 2019 Almaty

Saılaýshylar úzilissiz kelip jatyr

Prezıdent saılaýy Táýelsiz memleketimizdiń tarıhyndaǵy mańyzdy saıası oqıǵa. Bul oqıǵa bolashaqta memleketimizdiń saıası-ekonomıkalyq, áleýmettik jaǵynan budan da qaryshtap damýyna úlken úles qosady. Búgingi Prezıdent saılaýyna turǵyndar erekshe qyzyǵýshylyq tanytyp, erekshe belsendilikpen daýys berip jatyr. Saılaýǵa úzilissiz kelip jatqan halyqtyń kóńil kúıi de kóterińki ekenin baıqadyq.  

Alataý aýdanynda ornalasqan №28 saılaý ýchaskesinde tizim boıynsha 2 670 saılaýshylar bar. Olardyń arasynda úıde daýys berýge ótinish bildirgen azamattar da joq emes. №28 saılaý ýchaskesiniń tóraǵasy Áset Nurǵazynyń aıtýynsha, búgin saǵat 11.00-de 4 azamat úıden daýys berýge ótinish bildirgen. Barlyǵy «Qazaqstan Respýblıkasyndaǵy Saılaý týraly» Zańyna sáıkes ótkizilip otyrǵan daýys berý isinde saılaýshylardyń barlyq konstıtýsııalyq quqyǵy saqtalatyn bolady. Saılaý komıssııasynyń jumysyn baqylaýǵa qoǵamdyq birlestikterden, saıası partııalardan ózderiniń senimdi ókilderi keldi. Daýys berý qyzyp jatqanda bul saılaý ýchaskesine OBSE-niń eki ókili kelip qatysyp, ózderiniń jaqsy degen baǵalaryn berip ketti.

-Olar munda bir jarym saǵattaı otyryp, turǵyndarmen tildesip, Prezıdent saılaýynyń qalaı ótip jatqany týraly halyqtyń oı-pikirin bildi, - deıdi №28 saılaý ýchaskesiniń tóraǵasy Áset Nurǵazy.  

Prezıdent saılaýyna erekshe yqylaspen kelip jatqan turǵyndardyń arasynda jańadan úı alyp jatqan azamattar da bar eken. Olardyń arasynda saýlaýshylar tiziminde bolmaı qalǵan azamattar da kezdesti.  --Bizdiń qyzmetkerlerimiz ben Halyqqa qyzmet kórsetý ortalyǵynyń qyzmetkerleri atalǵan azamattarǵa 1-2 mınýttyń ishinde meken-jaı anyqtamasyn bergennen keıin, olar da óz tańdaýlaryn jasap, daýys berdi. Prezıdent saılaýy ashyq ótip jatyr. Halyqtyń legi úzilmeı, saılaýǵa kelip jatqanyna qýanyshtymyz. Burynǵyǵa qaraǵanda, qazirgi saılaýdaǵy saılaýshy halyqtyń qarasy kóp. Búgingi tańda bizdiń yqsham aýdanymyzda kóptegen adamǵa jańa turǵyn úıler paıdalanýǵa berilgendikten, turǵyndar sany aıtarlyqtaı arta túsken, - dedi tóraǵa.  

Qazir «Zerdeli» yqsham aýdanynda 3 saılaý ýchaskesi bar. Olar - №530, №546 jáne №28  saılaý ýchaskeleri.

Ańǵarǵanymyz - búgingi Prezıdent saılaýynda aýdandaǵy kópbalaly analar da, múmkindigi shekteýli adamdar da  úlken belsendilikpen daýys berdi. Jasy 18-ge tolǵan azamattar da kelip, alǵash ret daýys berip, qýanyshpen qaıtyp jatty.  

  Balnur AHMET.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir