Rınat Zaıtov: "Aıtys bıliktiń oıyn-saýyq otaýyna aınaldy" (vıdeo)

Aıtysker aqyn Rınat Zaıtov Youtube jelisindegi "Juldyzdar ne deıdi?" baǵdarlamasyna suhbat berdi dep jazady Qamshy.kz aqparat agenttigi.

Suhbat barysynda Rınat Zaıtov bıliktiń aıtysqa degen kózqarasyna toqtaldy. Onyń aıtýynsha, qazir aqyndar bılikten qoryqqandyqtan, bılik aıtysty kerek qylmaıdy.

"Qazir aqyndar bılikten qorqady. Sondyqtan bılik aıtysty kerek qylmaı júr. Bılikke aıtys bılik aıtystan qoryqqan kezde qajet bolady. Sol kezde olar nazar aýdarady. Al qazirgi bizdiń aıtystyń jaǵdaıy bılikti qorqytatyn deńgeıde emes. Eshkim aqyndarǵa "bylaı aıtyńdar, olaı aıtyńdar" dep aıtpaýy múmkin, biraq "bylaı aıtpańdar, olaı aıtpańdar" degen nusqaý bolady. Aqyndar sonyń jeteginde ketkendikten, qazir aıtys bıliktiń oıyn-saýyq otaýyna aınaldy. Halyqtyń ózi aıtystan jalyǵa bastaǵan bolsa, ol aqyndardyń kinási", - dedi Zaıtov.

Sonymen qatar Rınat Zaıtov aıtystyń telearnalardan durys berilmeıtine qapaly ekenin de aıtty. 

Vıdeo Rınat Zaıtovtyń Youtube arnasynan alyndy